यथ् स॑मी॒चीनं॑ पशुशी॒र्॒.षैरु॑प द॒द्ध्याद् ग्रा॒म्यान् प॒शून् दꣳशु॑काः स्यु॒र्यद्-वि॑षू॒चीन॑-मार॒ण्यान्. यजु॑रे॒व व॑दे॒दव॒ तां त्विषिꣳ॑ रुन्धे॒ या स॒र्पे न ग्रा॒म्यान् प॒शून्. हि॒नस्ति॒ नाऽऽ*र॒ण्यानथो॒ खलू॑प॒धेय॑मे॒व यदु॑प॒दधा॑ति॒ तेन॒ तां त्विषि॒मव॑ रुन्धे॒ या स॒र्पे यद्-यजु॒र्वद॑ति॒ तेन॑ शा॒न्तं ॥
पदपाठः (Word-by-word)
यत् । स॒मी॒चीन᳚म् । प॒शु॒शी॒र्॒.षैरिति॑ पशु - शी॒र्॒.षैः । उ॒प॒द॒द्ध्यादित्यु॑प - द॒द्ध्यात् । ग्रा॒म्यान् । प॒शून् । दꣳशु॑काः । स्युः॒ । यत् । वि॒षू॒चीन᳚म् । आ॒र॒ण्यान् । यजुः॑ । ए॒व । व॒दे॒त् । अवेति॑ । ताम् । त्विषि᳚म् । रु॒न्धे॒ । या । स॒र्पे । न । ग्रा॒म्यान् । प॒शून् । हि॒नस्ति॑ । न । आ॒र॒ण्यान् । अथो॒ इति॑ । खलु॑ । उ॒प॒धेय॒मित्यु॑प - धेय᳚म् । ए॒व । यत् । उ॒प॒दधा॒तीत्यु॑प - दधा॑ति । तेन॑ । ताम् । त्विषि᳚म् । अवेति॑ । रु॒न्धे॒ । या । स॒र्पे । यत् । यजुः॑ । वद॑ति । तेन॑ । शा॒न्तम् ॥