च्छि॑न्द्या॒मिति॑ वि॒ग्राहं॒ तस्य॑ जुहुयात् प्रा॒णाने॒वास्या॒न्नाद्यं॒ ॅविच्छि॑नत्ति॒ यं का॒मये॑त प्रा॒णान॑स्या॒न्नाद्यꣳ॒॒ सं त॑नुया॒मिति॒ सं त॑तां॒ तस्य॑ जुहुयात् प्रा॒णाने॒वास्या॒न्नाद्यꣳ॒॒ सं त॑नोति॒ द्वाद॑श द्वाद॒शानि॑ जुहोति॒ द्वाद॑श॒ मासाः᳚ संॅवथ्स॒रः सं॑ॅवथ्स॒रेणै॒ वास्मा॒ अन्न॒मव॑ रु॒न्धे ऽन्नं॑ च॒ मेऽक्षु॑च्च म॒ इत्या॑है॒ तद् वा - [ ]
पदपाठः (Word-by-word)
छि॒न्द्या॒म् । इति॑ । वि॒ग्राह॒मिति॑ वि - ग्राह᳚म् । तस्य॑ । जु॒हु॒या॒त् । प्रा॒णानिति॑ प्र - अ॒नान् । ए॒व । अ॒स्य॒ । अ॒न्नाद्य॒मित्य॑न्न - अद्य᳚म् । वीति॑ । छि॒न॒त्ति॒ । यम् । का॒मये॑त । प्रा॒णानिति॑ प्र-अ॒नान् । अ॒स्य॒ । अ॒न्नाद्य॒मित्य॑न्न - अद्य᳚म् । समिति॑ । त॒नु॒या॒म् । इति॑ । संत॑ता॒मिति॒ सं - त॒ता॒म् । तस्य॑ । जु॒हु॒या॒त् । प्रा॒णानिति॑ प्र - अ॒नान् । ए॒व । अ॒स्य॒ । अ॒न्नाद्य॒मित्य॑न्न - अद्य᳚म् । समिति॑ । त॒नो॒ति॒ । द्वाद॑श । द्वा॒द॒शानि॑ । जु॒हो॒ति॒ । द्वाद॑श । मासाः᳚ । सं॒ॅव॒थ्स॒र इति॑ सं-व॒थ्स॒रः । सं॒ॅव॒थ्स॒रेणेति॑ सं - व॒थ्स॒रेण॑ । ए॒व । अ॒स्मै॒ । अन्न᳚म् । अवेति॑ । रु॒न्धे॒ । अन्न᳚म् । च॒ । मे॒ । अक्षु॑त् । च॒ । मे॒ । इति॑ । आ॒ह॒ । ए॒तत् । वै ।