त्र्यवि॒रिति॑ त्रि - अविः॑ । वयः॑ । त्रि॒ष्टुप् । छन्दः॑ । दि॒त्य॒वाडिति॑ दित्य - वाट् । वयः॑ । वि॒राडिति॑ वि - राट् । छन्दः॑ । पञ्चा॑वि॒रिति॒ पञ्च॑-अ॒विः॒ । वयः॑ । गा॒य॒त्री । छन्दः॑ । त्रि॒व॒थ्स इति॑ त्रि - व॒थ्सः । वयः॑ । उ॒ष्णिहा᳚ । छन्दः॑ । तु॒र्य॒वाडिति॑ तुर्य - वाट् । वयः॑ । अ॒नु॒ष्टुबित्य॑नु - स्तुप् । छन्दः॑ । प॒ष्ठ॒वादिति॑ पष्ठ - वात् । वयः॑ । बृ॒ह॒ती । छन्दः॑ । उ॒क्षा । वयः॑ । स॒तोबृ॑ह॒तीति॑ स॒तः - बृ॒ह॒ती॒ । छन्दः॑ । ऋ॒ष॒भः । वयः॑ । क॒कुत् । छन्दः॑ । धे॒नुः । वयः॑ । जग॑ती । छन्दः॑ । अ॒न॒ड्वान् । वयः॑ । प॒ङ्क्तिः । छन्दः॑ । ब॒स्तः । वयः॑ । वि॒व॒लमिति॑ वि - व॒लम् । छन्दः॑ । वृ॒ष्णिः । वयः॑ । वि॒शा॒लमिति॑ वि-शा॒लम् । छन्दः॑ । पुरु॑षः । वयः॑ ( ) । त॒न्द्रम् । छन्दः॑ । व्या॒घ्रः । वयः॑ । अना॑धृष्ट॒मित्यना᳚ - धृ॒ष्ट॒म् । छन्दः॑ । सिꣳ॒॒हः । वयः॑ । छ॒दिः । छन्दः॑ । वि॒ष्ट॒भं इति॑ वि - स्त॒भंः । वयः॑ । अधि॑पति॒रित्यधि॑-प॒तिः॒ । छन्दः॑ । क्ष॒त्रम् । वयः॑ । मय॑न्दम् । छन्दः॑ । वि॒श्वक॒र्मेति॑ वि॒श्व - क॒र्मा॒ । वयः॑ । प॒र॒मे॒ष्ठी । छन्दः॑ । मू॒द्‌र्धा । वयः॑ । प्र॒जाप॑ति॒रिति॑ प्र॒जा - प॒तिः॒ । छन्दः॑ ॥