-स॒न्तानि॒ तेन॒ प्राणु॑दन्त॒ यद॒ग्नये॑ विबा॒धव॑ते॒ यान्ये॒वाभितो॒ रक्षाꣳ॒॒स्यास॒न् तानि॒ तेन॒ व्य॑बाधन्त॒ यद॒ग्नये॒ प्रती॑कवते॒ यान्ये॒व प॒श्चाद्-रक्षाꣳ॒॒स्यास॒न् तानि॒ तेनापा॑नुदन्त॒ ततो॑ दे॒वा अभ॑व॒न् परासु॑रा॒ यो भ्रातृ॑व्यवा॒न्थ् स्याथ् स स्पर्द्ध॑मान ए॒तयेष्ट्या॑ यजेता॒ग्नये॒ प्रव॑ते पुरो॒डाश॑म॒ष्टाक॑पालं॒ निर्व॑पेद॒ग्नये॑ विबा॒धव॑ते॒ - [ ]
पदपाठः (Word-by-word)
आसन्न्॑ । तानि॑ । तेन॑ । प्रेति॑ । अ॒नु॒द॒न्त॒ । यत् । अ॒ग्नये᳚ । वि॒बा॒धव॑त॒ इति॑ विबा॒ध - व॒ते॒ । यानि॑ । ए॒व । अ॒भितः॑ । रक्षाꣳ॑सि । आसन्न्॑ । तानि॑ । तेन॑ । वीति॑ । अ॒बा॒ध॒न्त॒ । यत् । अ॒ग्नये᳚ । प्रती॑कवत॒ इति॒ प्रती॑क - व॒ते॒ । यानि॑ । ए॒व । प॒श्चात् । रक्षाꣳ॑सि । आसन्न्॑ । तानि॑ । तेन॑ । अपेति॑ । अ॒नु॒द॒न्त॒ । ततः॑ । दे॒वाः । अभ॑वन्न् । परेति॑ । असु॑राः । यः । भ्रातृ॑व्यवा॒निति॒ भ्रातृ॑व्य - वा॒न् । स्यात् । सः । स्पर्द्ध॑मानः । ए॒तया᳚ । इष्ट्या᳚ । य॒जे॒त॒ । अ॒ग्नये᳚ । प्रव॑त॒ इति॒ प्र - व॒ते॒ । पु॒रो॒डाश᳚म् । अ॒ष्टाक॑पाल॒मित्य॒ष्टा - क॒पा॒ल॒म् । निरिति॑ । व॒पे॒त् । अ॒ग्नये᳚ । वि॒बा॒धव॑त॒ इति॑ विबा॒ध - व॒ते॒ ।