पाꣳसु॒॒र इरा॑वती धेनु॒मती॒ हि भू॒तꣳ सू॑यव॒सिनी॒ मन॑वे यश॒स्ये᳚ । व्य॑स्कभ्ना॒द्-रोद॑सी॒ विष्णु॑रे॒ते दा॒धार॑ पृथि॒वीम॒भितो॑ म॒यूखैः᳚ ॥ प्राची॒ प्रेत॑मद्ध्व॒रं क॒ल्पय॑न्ती ऊ॒र्द्ध्वं ॅय॒ज्ञ्ं न॑यतं॒ मा जी᳚ह्वरत॒मत्र॑ रमेथां॒ ॅवर्ष्म॑न् पृथि॒व्या दि॒वो वा॑ विष्णवु॒त वा॑ पृथि॒व्या म॒हो वा॑ विष्णवु॒त वा॒ऽन्तरि॑क्षा॒द्धस्तौ॑ पृणस्व ब॒हुभि॑र् वस॒व्यै॑रा प्र य॑च्छ॒ - [ ]
पदपाठः (Word-by-word)
पाꣳ॒॒सु॒रे । इरा॑वती॒ इतीरा᳚ - व॒ती॒ । धे॒नु॒मती॒ इति॑ धेनु - मती᳚ । हि । भू॒तम् । सू॒य॒व॒सिनी॒ इति॑ सु - य॒व॒सिनी᳚ । मन॑वे । य॒श॒स्ये॑ इति॑ ॥ वीति॑ । अ॒स्क॒भ्ना॒त् । रोद॑सी॒ इति॑ । विष्णुः॑ । ए॒ते इति॑ । दा॒धार॑ । पृ॒थि॒वीम् । अ॒भितः॑ । म॒यूखैः᳚ ॥ प्राची॒ इति॑ । प्रेति॑ । इ॒त॒म् । अ॒द्ध्व॒रम् । क॒ल्पय॑न्ती॒ इति॑ । ऊ॒र्द्ध्वम् । य॒ज्ञ्म् । न॒य॒त॒म् । मा । जी॒ह्व॒र॒त॒म् । अत्र॑ । र॒मे॒था॒म् । वर्.ष्मन्न्॑ । पृ॒थि॒व्याः । दि॒वः । वा॒ । वि॒ष्णो॒ । उ॒त । वा॒ । पृ॒थि॒व्याः । म॒हः । वा॒ । वि॒ष्णो॒ । उ॒त । वा॒ । अ॒न्तरि॑क्षात् । हस्तौ᳚ । पृ॒ण॒स्व॒ । ब॒हुभि॒रिति॑ ब॒हु - भिः॒ । व॒स॒व्यैः᳚ । आ* । प्रेति॑ । य॒च्छ॒ ।