ब्रह्म॑ प्रति॒ष्ठा मन॑सो॒ ब्रह्म॑ वा॒चः । ब्रह्म॑ य॒ज्ञानाꣳ॑ ह॒विषा॒-माज्य॑स्य । अति॑रिक्तं॒ कर्म॑णो॒ यच्च॑ ही॒नं । य॒ज्ञ्ः पर्वा॑णि प्रति॒रन्ने॑ति क॒ल्पयन्न्॑ । स्वाहा॑कृ॒ता-ऽऽहु॑तिरेतु दे॒वान् ॥ आश्रा॑वितम॒त्याश्रा॑वितं । वष॑ट्कृत-म॒त्यनू᳚क्तं च य॒ज्ञे । अति॑रिक्तं॒ कर्म॑णो॒ यच्च॑ ही॒नं । य॒ज्ञ्ः पर्वा॑णि प्रति॒रन्ने॑ति क॒ल्पयन्न्॑ । स्वाहा॑कृ॒ता-ऽऽहु॑तिरेतु दे॒वान् ।

यद्वो॑ देवा अतिपा॒दया॑नि । वा॒चा चि॒त्प्रय॑तं देव॒ हेड॑नं । अ॒रा॒यो अ॒स्माꣳ अ॒भि-दु॑च्छुना॒यते᳚। अ॒न्यत्रा॒स्मन्-म॑रुत॒स्त-न्निधे॑तन ॥ त॒तं म॒ आप॒स्तदु॑ तायत॒ पुनः॑ । स्वादि॑ष्ठा धी॒तिरु॒चथा॑य शस्यते । अ॒यꣳ स॑मु॒द्र उ॒त वि॒श्वभे॑षजः । स्वाहा॑-कृतस्य॒ समु॑तृप्णुत र्भुवः ॥ “उद्व॒यं तम॑स॒स्परि॑{6}” । “उदु॒ त्यं{7}” “चि॒त्रं{8}”

“इ॒मं मे॑ वरुण॒{9}” “तत्त्वा॑ यामि{10}” । “त्वं नो॑ अग्ने॒{11}” “स त्वं नो॑ अग्ने{12}” । “त्वम॑ग्ने अ॒याऽसि॒{13}” “प्रजा॑पते{14}” ॥ इ॒मं जी॒वेभ्यः॑ परि॒धिं द॑धामि । मैषां नु॑ गा॒दप॑रो॒ अर्द्ध॑मे॒तं । श॒तं जी॑वन्तु श॒रदः॑ पुरू॒चीः । ति॒रो मृ॒त्युं द॑धतां॒ पर्व॑तेन ॥ इ॒ष्टेभ्यः॒ स्वाहा॒ वष॒डनि॑ष्टेभ्यः॒ स्वाहा᳚ । भे॒ष॒जं दुरि॑ष्ट्यै॒ स्वाहा॒ निष्कृ॑त्यै॒ स्वाहा᳚ । दौरा᳚र्द्ध्यै॒ स्वाहा॒ दैवी᳚भ्य-स्त॒नूभ्यः॒ स्वाहा᳚

ऋद्ध्यै॒ स्वाहा॒ समृ॑द्ध्यै॒ स्वाहा᳚ ॥ यत॑ इन्द्र॒ भया॑महे । ततो॑ नो॒ अभ॑यं कृधि । मघ॑वञ्छ॒ग्धि तव॒ तन्न॑ ऊ॒तये᳚ । वि द्विषो॒ वि मृधो॑ जहि ॥ स्व॒स्ति॒दा वि॒शस्पतिः॑ । वृ॒त्र॒हा विमृधो॑ व॒शी । वृषेन्द्रः॑ पु॒र ए॑तु नः । स्व॒स्ति॒दा अ॑भयं क॒रः ॥ आ॒भि र्गी॒र्भि र्यदतो॑ न ऊ॒नं

आप्या॑यय हरिवो॒ वर्द्ध॑मानः । य॒दा स्तो॒तृभ्यो॒ महि॑ गो॒त्रा रु॒जासि॑ । भू॒यि॒ष्ठ॒भाजो॒ अध॑ ते स्याम ॥ अना᳚ज्ञातं॒ ॅयदाज्ञा॑तं । य॒ज्ञ्स्य॑ क्रि॒यते॒ मिथु॑ । अग्ने॒ तद॑स्य कल्पय । त्वꣳ हि वेत्थ॑ यथात॒थं ॥ पुरु॑ष संमितो य॒ज्ञ्ः । य॒ज्ञ्ः पुरु॑ष संमितः । अग्ने॒ तद॑स्य कल्पय ( ) । त्वꣳ हि वेत्थ॑ यथात॒थं ॥ यत् पा॑क॒त्रा मन॑सा दी॒नद॑क्षा॒ न । य॒ज्ञ्स्य॑ म॒न्वते॒ मर्ता॑सः । अ॒ग्निष्टद्धोता᳚ कृतु॒विद्वि॑जा॒नन्न् । यजि॑ष्ठो दे॒वाꣳ ऋ॑तु॒शो य॑जाति ।