ॅय॒ज्ञेष्वीड्यः॑ ॥ विश्वे॑ दे॒वा अ॒भि मामाऽव॑वृत्रन् पू॒षा स॒न्या सोमो॒ राध॑सा दे॒वः स॑वि॒ता वसो᳚र्वसु॒दावा॒ रास्वेय॑थ् सो॒मा ऽऽ*भूयो॑ भर॒ मा पृ॒णन् पू॒र्त्या वि रा॑धि॒ माऽहमायु॑षा च॒न्द्रम॑सि॒ मम॒ भोगा॑य भव॒ वस्त्र॑मसि॒ मम॒ भोगा॑य भवो॒स्राऽसि॒ मम॒ भोगा॑य भव॒ हयो॑ऽसि॒ मम॒ भोगा॑य भव॒ - [ ]
पदपाठः (Word-by-word)
य॒ज्ञेषु॑ । ईड्यः॑ ॥ विश्वे᳚ । दे॒वाः । अ॒भीति॑ । माम् । एति॑ । अ॒व॒वृ॒त्र॒न्न् । पू॒षा । स॒न्या । सोमः॑ । राध॑सा । दे॒वः । स॒वि॒ता । वसोः᳚ । व॒सु॒दावेति॑ वसु - दावा᳚ । रास्व॑ । इय॑त् । सो॒म॒ । एति॑ । भूयः॑ । भ॒र॒ । मा । पृ॒णन्न् । पू॒र्त्या । वीति॑ । रा॒धि॒ । मा । अ॒हम् । आयु॑षा । च॒न्द्रम् । अ॒सि॒ । मम॑ । भोगा॑य । भ॒व॒ । वस्त्र᳚म् । अ॒सि॒ । मम॑ । भोगा॑य । भ॒व॒ । उ॒स्रा । अ॒सि॒ । मम॑ । भोगा॑य । भ॒व॒ । हयः॑ । अ॒सि॒ । मम॑ । भोगा॑य । भ॒व॒ ।