श्रौष॒डित्यु॒पावा᳚स्रा॒ग्यजेत्युद॑नैषी॒द्ये यजा॑मह॒ इत्युपा॑ऽसदद् वषट्का॒रेण॑ दोग्द्ध्ये॒ष वै सू॒नृता॑यै॒ दोहो॒ य ए॒वं ॅवेद॑ दु॒ह ए॒वैनां᳚ दे॒वा वै स॒त्रमा॑सत॒ तेषां॒ दिशो॑ऽदस्य॒न्त ए॒तामा॒र्द्रां प॒ङ्क्तिम॑पश्य॒न्ना श्रा॑व॒येति॑ पुरोवा॒त-म॑जनय॒न्नस्तु॒ श्रौष॒डित्य॒भ्रꣳ सम॑प्लावय॒न्॒. यजेति॑ वि॒द्युत॑ - [ ]
पदपाठः (Word-by-word)
श्रौष॑ट् । इति॑ । उ॒पावा᳚स्रा॒गित्यु॑प-अवा᳚स्राक् । यज॑ । इति॑ । उदिति॑ । अ॒नै॒षी॒त् । ये । यजा॑महे । इति॑ । उपेति॑ । अ॒स॒द॒त् । व॒ष॒ट्का॒रेणेति॑ वषट्-का॒रेण॑ । दो॒ग्धि॒ । ए॒षः । वै । सू॒नृता॑यै । दोहः॑ । यः । ए॒वम् । वेद॑ । दु॒हे । ए॒व । ए॒ना॒म् । दे॒वाः । वै । स॒त्रम् । आ॒स॒त॒ । तेषा᳚म् । दिशः॑ । अ॒द॒स्य॒न्न् । ते । ए॒ताम् । आ॒र्द्राम् । प॒ङ्क्तिम् । अ॒प॒श्य॒न्न् । एति॑ । श्रा॒व॒य॒ । इति॑ । पु॒रो॒वा॒तमिति॑ पुरः - वा॒तम् । अ॒ज॒न॒य॒न्न् । अस्तु॑ । श्रौष॑ट् । इति॑ । अ॒भ्रम् । समिति॑ । अ॒प्ला॒व॒य॒न्न् । यज॑ । इति॑ । वि॒द्युत॒मिति॑ वि - द्युत᳚म् ।