मृ॑तू॒नां प्री॑णा॒मीत्या॑ह॒र्तवो॒ वै प्र॑या॒जा ऋ॒तूने॒व प्री॑णाति॒ ते᳚ऽस्मै प्री॒ता य॑थापू॒र्वं क॑ल्पन्ते॒ कल्प॑न्तेऽस्मा ऋ॒तवो॒ य ए॒वं ॅवेदा॒ग्नीषोम॑योर॒हं दे॑वय॒ज्यया॒ चक्षु॑ष्मान् भूयास॒मित्या॑-हा॒ग्नीषोमा᳚भ्यां॒ वै य॒ज्ञ्श्चक्षु॑ष्मा॒न् ताभ्या॑मे॒व चक्षु॑रा॒त्मन् ध॑त्ते॒ ऽग्नेर॒हं दे॑वय॒ज्यया᳚ऽन्ना॒दो भू॑यास॒मित्या॑हा॒ग्निर्वै दे॒वाना॑मन्ना॒दस्ते नै॒ वा - [ ]
पदपाठः (Word-by-word)
ऋ॒तू॒नाम् । प्री॒णा॒मि॒ । इति॑ । आ॒ह॒ । ऋ॒तवः॑ । वै । प्र॒या॒जा इति॑ प्र - या॒जाः । ऋ॒तून् । ए॒व । प्री॒णा॒ति॒ । ते । अ॒स्मै॒ । प्री॒ताः । य॒था॒पू॒र्वमिति॑ यथा - पू॒र्वम् । क॒ल्प॒न्ते॒ । कल्प॑न्ते । अ॒स्मै॒ । ऋ॒तवः॑ । यः । ए॒वम् । वेद॑ । अ॒ग्नीषोम॑यो॒रित्य॒ग्नी - सोम॑योः । अ॒हम् । दे॒व॒य॒ज्ययेति॑ देव-य॒ज्यया᳚ । चक्षु॑ष्मान् । भू॒या॒स॒म् । इति॑ । आ॒ह॒ । अ॒ग्नीषोमा᳚भ्या॒मित्य॒ग्नी - सोमा᳚भ्याम् । वै । य॒ज्ञ्ः । चक्षु॑ष्मान् । ताभ्या᳚म् । ए॒व । चक्षुः॑ । आ॒त्मन्न् । ध॒त्ते॒ । अ॒ग्नेः । अ॒हम् । दे॒व॒य॒ज्ययेति॑ देव - य॒ज्यया᳚ । अ॒न्ना॒द इत्य॑न्न - अ॒दः । भू॒या॒स॒म् । इति॑ । आ॒ह॒ । अ॒ग्निः । वै । दे॒वाना᳚म् । अ॒न्ना॒द इत्य॑न्न - अ॒दः । तेन॑ । ए॒व ।