वा॒चा मे᳚न्द्रि॒येणा *वि॑श वस॒न्तमृ॑तू॒नां प्री॑णामि॒ स मा᳚ प्री॒तः प्री॑णातु ग्री॒ष्ममृ॑तू॒नां प्री॑णामि॒ स मा᳚ प्री॒तः प्री॑णातु व॒र्॒.षा ऋ॑तू॒नां प्री॑णामि॒ ता मा᳚ प्री॒ताः प्री॑णन्तु श॒रद॑मृतू॒नां प्री॑णामि॒ सा मा᳚ प्री॒ता प्री॑णातु हेमन्तशिशि॒रावृ॑तू॒नां प्री॑णामि॒ तौ मा᳚ प्री॒तौ प्री॑णीता-म॒ग्नीषोम॑यो-र॒हं दे॑वय॒ज्यया॒ चक्षु॑ष्मान् भूयासम॒ग्नेर॒हं दे॑वय॒ज्यया᳚ऽन्ना॒दो भू॑यासं॒ - [ ]
पदपाठः (Word-by-word)
वा॒चा । मा॒ । इ॒न्द्रि॒येण॑ । एति॑ । वि॒श॒ । व॒स॒न्तम् । ऋ॒तू॒नाम् । प्री॒णा॒मि॒ । सः । मा॒ । प्री॒तः । प्री॒णा॒तु॒ । ग्री॒ष्मम् । ऋ॒तू॒नाम् । प्री॒णा॒मि॒ । सः । मा॒ । प्री॒तः । प्री॒णा॒तु॒ । व॒र्॒.षा ः । ऋ॒तू॒नाम् । प्री॒णा॒मि॒ । ताः । मा॒ । प्री॒ताः । प्री॒ण॒न्तु॒ । श॒रद᳚म् । ऋ॒तू॒नाम् । प्री॒णा॒मि॒ । सा । मा॒ । प्री॒ता । प्री॒णा॒तु॒ । हे॒म॒न्त॒शि॒शि॒राविति॑ हेमन्त - शि॒शि॒रौ । ऋ॒तू॒नाम् । प्री॒णा॒मि॒ । तौ । मा॒ । प्री॒तौ । प्री॒णी॒ता॒म् । अ॒ग्नीषोम॑यो॒रित्य॒ग्नी - सोम॑योः । अ॒हम् । दे॒व॒य॒ज्ययेति॑ देव- य॒ज्यया᳚ । चक्षु॑ष्मान् । भू॒या॒स॒म् । अ॒ग्नेः । अ॒हम् । दे॒व॒य॒ज्ययेति॑ देव - य॒ज्यया᳚ । अ॒न्ना॒द इत्य॑न्न - अ॒दः । भू॒या॒स॒म् ।