ॅवा आ॑र॒ण्यमि॑न्द्रि॒यमे॒वाऽऽत्मन् ध॑त्ते॒ यदना᳚श्वानुप॒वसे॒त् क्षोधु॑कः स्या॒द्यद॑श्ञी॒याद्रु॒-द्रो᳚ऽस्य प॒शून॒भि म॑न्येता॒ऽपो᳚ऽश्ञाति॒ तन्नेवा॑शि॒तं नेवाऽन॑शितं॒ न क्षोधु॑को॒ भव॑ति॒ नास्य॑ रु॒द्रः प॒शून॒भि म॑न्यते॒ वज्रो॒ वै य॒ज्ञ्ः क्षुत् खलु॒ वै म॑नु॒ष्य॑स्य॒ भ्रातृ॑व्यो॒ यदना᳚ऽश्वानुप॒वस॑ति॒ वज्रे॑णै॒व सा॒क्षात् ( ) क्षुधं॒ भ्रातृ॑व्यꣳ हन्ति ॥
पदपाठः (Word-by-word)
वै । आ॒र॒ण्यम् । इ॒न्द्रि॒यम् । ए॒व । आ॒त्मन्न् । ध॒त्ते॒ । यत् । अना᳚श्वान् । उ॒प॒वसे॒दित्यु॑प - वसे᳚त् । क्षोधु॑कः । स्या॒त् । यत् । अ॒श्नी॒यात् । रु॒द्रः । अ॒स्य॒ । प॒शून् । अ॒भीति॑ । म॒न्ये॒त॒ । अ॒पः । अ॒श्ना॒ति॒ । तत् । न । इ॒व॒ । अ॒शि॒तम् । न । इ॒व॒ । अन॑शितम् । न । क्षोधु॑कः । भव॑ति । न । अ॒स्य॒ । रु॒द्रः । प॒शून् । अ॒भीति॑ । म॒न्य॒ते॒ । वज्रः॑ । वै । य॒ज्ञ्ः । क्षुत् । खलु॑ । वै । म॒नु॒ष्य॑स्य । भ्रातृ॑व्यः । यत् । अना᳚श्वान् । उ॒प॒वस॒तीत्यु॑प-वस॑ति । वज्रे॑ण । ए॒व । सा॒क्षादिति॑ स-अ॒क्षात् ( ) । क्षुध᳚म् । भ्रातृ॑व्यम् । ह॒न्ति॒ ॥