यजुर्वेद

ऋ॒तस्य॑ । गर्भः॑ । प्र॒थ॒मा । व्यू॒षुषीति॑ वि - ऊ॒षुषी᳚ । अ॒पाम् । एका᳚ । म॒हि॒मान᳚म् । बि॒भ॒र्ति॒ ॥ सूर्य॑स्य । एका᳚ । चर॑ति । नि॒ष्कृ॒तेष्विति॑ निः-कृ॒तेषु॑ । घ॒र्मस्य॑ । एका᳚ । स॒वि॒ता । एका᳚म् । नीति॑ । य॒च्छ॒ति॒ ॥ या । प्र॒थ॒मा । व्यौच्छ॒दिति॑ वि - औच्छ॑त् । सा । धे॒नुः । अ॒भ॒व॒त् । य॒मे ॥ सा । नः॒ । पय॑स्वती । धु॒क्ष्व॒ । उत्त॑रामुत्तरा॒मित्युत्त॑रां-उ॒त्त॒रा॒म् । समा᳚म् ॥ शु॒क्रर्.ष॒भेति॑ शु॒क्र - ऋ॒ष॒भा॒ । नभ॑सा । ज्योति॑षा । एति॑ । अ॒गा॒त् । वि॒श्वरू॒पेति॑ वि॒श्व - रू॒पा॒ । श॒ब॒लीः । अ॒ग्निके॑तु॒रित्य॒ग्नि - के॒तुः॒ ॥ स॒मा॒नम् । अर्थ᳚म् । स्व॒प॒स्यमा॒नेति॑ सु-अ॒प॒स्यमा॑ना । बिभ्र॑ती । ज॒राम् । अ॒ज॒रे॒ । उ॒षः॒ । एति॑ । अ॒गाः॒ ॥ ऋ॒तू॒नाम् । पत्नी᳚ ( ) । प्र॒थ॒मा । इ॒यम् । एति॑ । अ॒गा॒त् । अह्ना᳚म् । ने॒त्री । ज॒नि॒त्री । प्र॒जाना॒मिति॑ प्र - जाना᳚म् ॥ एका᳚ । स॒ती । ब॒हु॒धेति॑ बहु - धा । उ॒षः॒ । वीति॑ । उ॒च्छ॒सि॒ । अजी᳚र्णा । त्वम् । ज॒र॒य॒सि॒ । सर्व᳚म् । अ॒न्यत् ॥