यजुर्वेद

रु॒द्राणा᳚म् । आधि॑पत्य॒मित्याधि॑ - प॒त्य॒म् । चतु॑ष्पा॒दिति॒ चतुः॑-पा॒त् । स्पृ॒तम् । च॒तु॒र्विꣳ॒॒श इति॑ चतुः-विꣳ॒॒शः । स्तोमः॑ । आ॒दि॒त्याना᳚म् । भा॒गः । अ॒सि॒ । म॒रुता᳚म् । आधि॑पत्य॒मित्याधि॑ - प॒त्य॒म् । गर्भाः᳚ । स्पृ॒ताः । प॒ञ्च॒विꣳ॒॒श इति॑ पञ्च - विꣳ॒॒शः । स्तोमः॑ । दे॒वस्य॑ । स॒वि॒तुः । भा॒गः । अ॒सि॒ । बृह॒स्पतेः᳚ । आधि॑पत्य॒मित्याधि॑ - प॒त्य॒म् । स॒मीचीः᳚ । दिशः॑ । स्पृ॒ताः । च॒तु॒ष्टो॒म इति॑ चतुः-स्तो॒मः । स्तोमः॑ । यावा॑नाम् । भा॒गः । अ॒सि॒ । अया॑वानाम् । आधि॑पत्य॒मित्याधि॑ - प॒त्य॒म् । प्र॒जा इति॑ प्र - जाः । स्पृ॒ताः । च॒तु॒श्च॒त्वा॒रिꣳ॒॒श इति॑ चतुः - च॒त्वा॒रिꣳ॒॒शः । स्तोमः॑ । ऋ॒भू॒णाम् । भा॒गः । अ॒सि॒ । विश्वे॑षाम् । दे॒वाना᳚म् । आधि॑पत्य॒मित्याधि॑-प॒त्य॒म् । भू॒तम् । निशा᳚न्त॒मिति॒ नि - शा॒न्त॒म् । स्पृ॒तम् । त्र॒य॒स्त्रिꣳ॒॒श इति॑ त्रयः - त्रिꣳ॒॒शः । स्तोमः॑ ॥