-न्द्रा॑य॒ त्वेन्द्रं॑ जि॒न्वेत्ये॒व द॑क्षिण॒तो वज्रं॒ पर्यौ॑हद॒भिजि॑त्यै॒ ताः प्र॒जा अप॑प्राणा असृजत॒ तास्वधि॑पतिर॒सीत्ये॒व प्रा॒णम॑दधा-द्य॒न्तेत्य॑पा॒नꣳ सꣳ॒॒सर्प॒ इति॒ चक्षु॑र्वयो॒धा इति॒ श्रोत्रं॒ ताः प्र॒जाः प्रा॑ण॒तीर॑पान॒तीः पश्य॑न्तीः शृण्व॒तीर्न मि॑थु॒नी अ॑भव॒न् तासु॑ त्रि॒वृद॒सीत्ये॒व मि॑थु॒नम॑दधा॒त् ताः प्र॒जा मि॑थु॒नी - [ ]
पदपाठः (Word-by-word)
इन्द्रा॑य । त्वा॒ । इन्द्र᳚म् । जि॒न्व॒ । इति॑ । ए॒व । द॒क्षि॒ण॒तः । वज्र᳚म् । परीति॑ । औ॒ह॒त् । अ॒भिजि॑त्या॒ इत्य॒भि - जि॒त्यै॒ । ताः । प्र॒जा इति॑ प्र - जाः । अप॑प्राणा॒ इत्यप॑ - प्रा॒णाः॒ । अ॒सृ॒ज॒त॒ । तासु॑ । अधि॑पति॒रित्यधि॑-प॒तिः॒ । अ॒सि॒ । इति॑ । ए॒व । प्रा॒णमिति॑ प्र-अ॒नम् । अ॒द॒धा॒त् । य॒न्ता । इति॑ । अ॒पा॒नमित्य॑प - अ॒नम् । सꣳ॒॒सर्प॒ इति॑ सं - सर्पः॑ । इति॑ । चक्षुः॑ । व॒यो॒धा इति॑ वयः - धाः । इति॑ । श्रोत्र᳚म् । ताः । प्र॒जा इति॑ प्र - जाः । प्रा॒ण॒तीरिति॑ प्र - अ॒न॒तीः । अ॒पा॒न॒तीरित्य॑प - अ॒न॒तीः । पश्य॑न्तीः । शृ॒ण्व॒तीः । न । मि॒थु॒नी । अ॒भ॒व॒न्न् । तासु॑ । त्रि॒वृदिति॑ त्रि - वृत् । अ॒सि॒ । इति॑ । ए॒व । मि॒थु॒नम् । अ॒द॒धा॒त् । ताः । प्र॒जा इति॑ प्र-जाः । मि॒थु॒नी ।