ज्यैष्ठ्य᳚म् । च॒ । मे॒ । आधि॑पत्य॒मित्याधि॑-प॒त्य॒म् । च॒ । मे॒ । म॒न्युः । च॒ । मे॒ । भामः॑ । च॒ । मे॒ । अमः॑ । च॒ । मे॒ । अभंः॑ । च॒ । मे॒ । जे॒मा । च॒ । मे॒ । म॒हि॒मा । च॒ । मे॒ । व॒रि॒मा । च॒ । मे॒ । प्र॒थि॒मा । च॒ । मे॒ । व॒र्ष्मा । च॒ । मे॒ । द्रा॒घु॒या । च॒ । मे॒ । वृ॒द्धम् । च॒ । मे॒ । वृद्धिः॑ । च॒ । मे॒ । स॒त्यम् । च॒ । मे॒ । श्र॒द्धेति॑ श्रत् - धा । च॒ । मे॒ । जग॑त् । च॒ ।

मे॒ । धन᳚म् । च॒ । मे॒ । वशः॑ । च॒ । मे॒ । त्विषिः॑ । च॒ । मे॒ । क्री॒डा । च॒ । मे॒ । मोदः॑ । च॒ । मे॒ । जा॒तम् । च॒ । मे॒ । ज॒नि॒ष्यमा॑णम् । च॒ । मे॒ । सू॒क्तमिति॑ सु - उ॒क्तम् । च॒ । मे॒ । सु॒कृ॒तमिति॑ सु - कृ॒तम् । च॒ । मे॒ । वि॒त्तम् । च॒ । मे॒ । वेद्य᳚म् । च॒ । मे॒ । भू॒तम् । च॒ । मे॒ । भ॒वि॒ष्यत् । च॒ । मे॒ । सु॒गमिति॑ सु - गम् । च॒ । मे॒ । सु॒पथ॒मिति॑ सु - पथ᳚म् । च॒ । मे॒ । ऋ॒द्धम् । च॒ । मे॒ । ऋद्धिः॑ ( ) । च॒ । मे॒ । क्लृ॒प्तम् । च॒ । मे॒ । क्लृप्तिः॑ । च॒ । मे॒ । म॒तिः । च॒ । मे॒ । सु॒म॒तिरिति॑ सु - म॒तिः । च॒ । मे॒ ॥