शम् । च॒ । मे॒ । मयः॑ । च॒ । मे॒ । प्रि॒यम् । च॒ । मे॒ । अ॒नु॒का॒म इत्य॑नु - का॒मः । च॒ । मे॒ । कामः॑ । च॒ । मे॒ । सौ॒म॒न॒सः । च॒ । मे॒ । भ॒द्रम् । च॒ । मे॒ । श्रेयः॑ । च॒ । मे॒ । वस्यः॑ । च॒ । मे॒ । यशः॑ । च॒ । मे॒ । भगः॑ । च॒ । मे॒ । द्रवि॑णम् । च॒ । मे॒ । य॒न्ता । च॒ । मे॒ । ध॒र्ता । च॒ । मे॒ । क्षेमः॑ । च॒ । मे॒ । धृतिः॑ । च॒ । मे॒ । विश्व᳚म् । च॒ ।

मे॒ । महः॑ । च॒ । मे॒ । सं॒ॅविदिति॑ सम्-वित् । च॒ । मे॒ । ज्ञात्र᳚म् । च॒ । मे॒ । सूः । च॒ । मे॒ । प्र॒सूरिति॑ प्र - सूः । च॒ । मे॒ । सीरं᳚ । च॒ । मे॒ । ल॒यः । च॒ । मे॒ । ऋ॒तम् । च॒ । मे॒ । अ॒मृत᳚म् । च॒ । मे॒ । अ॒य॒क्ष्मम् । च॒ । मे॒ । अना॑मयत् । च॒ । मे॒ । जी॒वातुः॑ । च॒ । मे॒ । दी॒र्घा॒यु॒त्वमिति॑ दीर्घायु - त्वम् । च॒ । मे॒ । अ॒न॒मि॒त्रम् । च॒ । मे॒ । अभ॑यम् । च॒ । मे॒ । सु॒गमिति॑ सु-गम् । च॒ । मे॒ । शय॑नम् ( ) । च॒ । मे॒ । सू॒षेति॑ सु - उ॒षा । च॒ । मे॒ । सु॒दिन॒मिति॑ सु - दिन᳚म् । च॒ । मे॒ ॥