मे॒ मह॑श्च मे सं॒ॅविच्च॑ मे॒ ज्ञात्रं॑ च मे॒ सूश्च॑ मे प्र॒सूश्च॑ मे॒ सीरं॑ च मे ल॒यश्च॑ म ऋ॒तं च॑ मे॒ ऽमृतं॑ च मेऽय॒क्ष्मं च॒ मे ऽना॑मयच्च मे जी॒वातु॑श्च मे दीर्घायु॒त्वं च॑ मे ऽनमि॒त्रं च॒ मे ऽभ॑यं च मे सु॒गं च॑ मे॒ शय॑नं ( ) च मे सू॒षा च॑ मे सु॒दिनं॑ च मे ॥
पदपाठः (Word-by-word)
मे॒ । महः॑ । च॒ । मे॒ । सं॒ॅविदिति॑ सम्-वित् । च॒ । मे॒ । ज्ञात्र᳚म् । च॒ । मे॒ । सूः । च॒ । मे॒ । प्र॒सूरिति॑ प्र - सूः । च॒ । मे॒ । सीरं᳚ । च॒ । मे॒ । ल॒यः । च॒ । मे॒ । ऋ॒तम् । च॒ । मे॒ । अ॒मृत᳚म् । च॒ । मे॒ । अ॒य॒क्ष्मम् । च॒ । मे॒ । अना॑मयत् । च॒ । मे॒ । जी॒वातुः॑ । च॒ । मे॒ । दी॒र्घा॒यु॒त्वमिति॑ दीर्घायु - त्वम् । च॒ । मे॒ । अ॒न॒मि॒त्रम् । च॒ । मे॒ । अभ॑यम् । च॒ । मे॒ । सु॒गमिति॑ सु-गम् । च॒ । मे॒ । शय॑नम् ( ) । च॒ । मे॒ । सू॒षेति॑ सु - उ॒षा । च॒ । मे॒ । सु॒दिन॒मिति॑ सु - दिन᳚म् । च॒ । मे॒ ॥