स नो॑ मुञ्च॒त्वꣳ ह॑सः ॥ यः सं॑ग्रा॒मं नय॑ति॒ संॅ ॅव॒शी यु॒धे यः पु॒ष्टानि॑ सꣳसृ॒जति॑ त्र॒याणि॑ । स्तौमीन्द्रं॑ नाथि॒तो जो॑हवीमि॒ स नो॑ मुञ्च॒त्वꣳ ह॑सः ॥म॒न्वे वां᳚ मित्रा वरुणा॒ तस्य॑ वित्तꣳ॒॒ सत्यौ॑जसा दृꣳहणा॒ यं नु॒देथे᳚ । या राजा॑नꣳ स॒रथं॑ ॅया॒थ उ॑ग्रा॒ ता नो॑ मुञ्चत॒माग॑सः ॥ यो वाꣳ॒॒ रथ॑ ऋ॒जुर॑श्मिः स॒त्यध॑र्मा॒ मिथु॒ श्चर॑न्त-मुप॒याति॑ दू॒षयन्न्॑ । स्तौमि॑ - [ ]
पदपाठः (Word-by-word)
सः । नः॒ । मु॒ञ्च॒तु॒ । अꣳह॑सः ॥ यः । स॒ग्रां॒ममिति॑ सम् - ग्रा॒मम् । नय॑ति । समिति॑ । व॒शी । यु॒धे । यः । पु॒ष्टानि॑ । सꣳ॒॒सृ॒जतीति॑ सं-सृ॒जति॑ । त्र॒याणि॑ ॥ स्तौमि॑ । इन्द्र᳚म् । ना॒थि॒तः । जो॒ह॒वी॒मि॒ । सः । नः॒ । मु॒ञ्च॒तु॒ । अꣳह॑सः ॥ म॒न्वे । वा॒म् । मि॒त्रा॒व॒रु॒णेति॑ मित्रा - व॒रु॒णा॒ । तस्य॑ । वि॒त्त॒म् । सत्यौ॑ज॒सेति॒ सत्य॑ - ओ॒ज॒सा॒ । दृꣳ॒॒ह॒णा॒ । यम् । नु॒देथे॒ इति॑ ॥ या । राजा॑नम् । स॒रथ॒मिति॑ स-रथ᳚म् । या॒थः । उ॒ग्रा॒ । ता । नः॒ । मु॒ञ्च॒त॒म् । आग॑सः ॥ यः । वा॒म् । रथः॑ । ऋ॒जुर॑श्मि॒रित्यृ॒जु - र॒श्मिः॒ । स॒त्यध॒र्मेति॑ स॒त्य - ध॒र्मा॒ । मिथु॑ । चर॑न्तम् । उ॒प॒यातीत्यु॑प - याति॑ । दू॒षयन्न्॑ ॥ स्तौमि॑ ।