मि॒त्रावरु॑णा नाथि॒तो जो॑हवीमि॒ तौ नो॑ मुञ्चत॒माग॑सः ॥वा॒योः स॑वि॒तु र्वि॒दथा॑नि मन्महे॒ यावा᳚त्म॒न्वद्-बि॑भृ॒तो यौ च॒ रक्ष॑तः । यौ विश्व॑स्य परि॒भू ब॑भू॒वतु॒स्तौ नो॑ मुञ्चत॒माग॑सः ॥उप॒ श्रेष्ठा॑न आ॒शिषो॑ दे॒वयो॒र्द्धर्मे॑ अस्थिरन्न् ।स्तौमि॑ वा॒युꣳ स॑वि॒तारं॑ नाथि॒तो जो॑हवीमि॒ तौ नो॑ मुञ्चत॒माग॑सः ॥ र॒थीत॑मौ रथी॒नाम॑ह्व ऊ॒तये॒ शुभं॒ गमि॑ष्ठौ सु॒यमे॑भि॒रश्वैः᳚ । ययो᳚ -[ ]
पदपाठः (Word-by-word)
मि॒त्रावरु॒णेति॑ मि॒त्रा - वरु॑णा । ना॒थि॒तः । जो॒ह॒वी॒मि॒ । तौ । नः॒ । मु॒ञ्च॒त॒म् । आग॑सः ॥ वा॒योः । स॒वि॒तुः । वि॒दथा॑नि । म॒न्म॒हे॒ । यौ । आ॒त्म॒न्वदित्या᳚त्मन्न् - वत् । बि॒भृ॒तः । यौ । च॒ । रक्ष॑तः ॥ यौ । विश्व॑स्य । प॒रि॒भू इति॑ परि - भूः । ब॒भू॒वतुः॑ । तौ । नः॒ । मु॒ञ्च॒त॒म् । आग॑सः ॥ उपेति॑ । श्रेष्ठाः᳚ । नः॒ । आ॒शिष॒ इत्या᳚ - शिषः॑ । दे॒वयोः᳚ । धर्मे᳚ । अ॒स्थि॒र॒न्न् ॥ स्तौमि॑ । वा॒युम् । स॒वि॒तार᳚म् । ना॒थि॒तः । जो॒ह॒वी॒मि॒ । तौ । नः॒ । मु॒ञ्च॒त॒म् । आग॑सः ॥ र॒थीत॑मा॒विति॑ र॒थि - त॒मौ॒ । र॒थी॒नाम् । अ॒ह्वे॒ । ऊ॒तये᳚ । शुभं᳚ । गमि॑ष्ठौ । सु॒यमे॑भि॒रिति॑ सु - यमे॑भिः । अश्वैः᳚ ॥ ययोः᳚ ।