-र्वां देवौ दे॒वेष्व-नि॑शित॒-मोज॒स्तौ नो॑ मुञ्चत॒माग॑सः ॥यदया॑तं ॅवॅह॒तुꣳ सू॒र्याया᳚-स्त्रिच॒क्रेण॑ सꣳ॒॒ सद॑मि॒च्छमा॑नौ ।स्तौमि॑ दे॒वा व॒श्विनौ॑ नाथि॒तो जो॑हवीमि॒ तौ नो॑ मुञ्चत॒माग॑सः ॥म॒रुतां᳚ मन्वे॒ अधि॑नो ब्रुवन्तु॒ प्रेमां ॅवाचं॒ ॅविश्वा॑ मवन्तु॒ विश्वे᳚ । आ॒शून्. हु॑वे सु॒यमा॑नू॒तये॒ ते नो॑ मुञ्च॒न्त्वेन॑सः ॥ति॒ग्ममायु॑धं ॅवीडि॒तꣳ सह॑स्वद् दि॒व्यꣳ शर्द्धः॒ - [ ]
पदपाठः (Word-by-word)
वा॒म् । दे॒वौ॒ । दे॒वेषु॑ । अनि॑शित॒मित्यनि॑-शि॒त॒म् । ओजः॑ । तौ । नः॒ । मु॒ञ्च॒त॒म् । आग॑सः ॥ यत् । अया॑तम् । व॒ह॒तुम् । सू॒र्यायाः᳚ । त्रि॒च॒क्रेणेति॑ त्रि - च॒क्रेण॑ । सꣳ॒॒सद॒मिति॑ सम् - सद᳚म् । इ॒च्छमा॑नौ ॥ स्तौमि॑ । दे॒वौ । अ॒श्विनौ᳚ । ना॒थि॒तः । जो॒ह॒वी॒मि॒ । तौ । नः॒ । मु॒ञ्च॒त॒म् । आग॑सः ॥ म॒रुता᳚म् । म॒न्वे॒ । अधीति॑ । नः॒ । ब्रु॒व॒न्तु॒ । प्रेति॑ । इ॒माम् । वाच᳚म् । विश्वा᳚म् । अ॒व॒न्तु॒ । विश्वे᳚ ॥ आ॒शून् । हु॒वे॒ । सु॒यमा॒निति॑ सु - यमान्॑ । ऊ॒तये᳚ । ते । नः॒ । मु॒ञ्च॒न्तु॒ । एन॑सः ॥ ति॒ग्मम् । आयु॑धम् । वी॒डि॒तम् । सह॑स्वत् । दि॒व्यम् । शर्द्धः॑ ।