पृत॑नासु जि॒ष्णु । स्तौमि॑ दे॒वान् म॒रुतो॑ नाथि॒तो जो॑हवीमि॒ ते नो॑ मुञ्च॒न्त्वेन॑सः ॥ दे॒वानां᳚ मन्वे॒ अधि॑ नो ब्रुवन्तु॒ प्रेमां ॅवाचं॒ ॅविश्वा॑मवन्तु॒ विश्वे᳚ । आ॒शून्. हु॑वे सु॒यमा॑नू॒तये॒ ते नो॑ मुञ्च॒न्त्वेन॑सः ॥ यदि॒दं मा॑ऽभि॒शोच॑ति॒ पौरु॑षेयेण॒ दैव्ये॑न ।स्तौमि॒ विश्वा᳚न् दे॒वान् ना॑थि॒तो जो॑हवीमि॒ ते नो॑ मुञ्च॒न्त्वेन॑सः ॥अनु॑नो॒ऽद्यानु॑मति॒ रन्वि - [ ]
पदपाठः (Word-by-word)
पृत॑नासु । जि॒ष्णु ॥ स्तौमि॑ । दे॒वान् । म॒रुतः॑ । ना॒थि॒तः । जो॒ह॒वी॒मि॒ । ते । नः॒ । मु॒ञ्च॒न्तु॒ । एन॑सः ॥ दे॒वाना᳚म् । म॒न्वे॒ । अधीति॑ । नः॒ । ब्रु॒व॒न्तु॒ । प्रेति॑ । इ॒माम् । वाच᳚म् । विश्वा᳚म् । अ॒व॒न्तु॒ । विश्वे᳚ ॥ आ॒शून् । हु॒वे॒ । सु॒यमा॒निति॑ सु - यमान्॑ । ऊ॒तये᳚ । ते । नः॒ । मु॒ञ्च॒न्तु॒ । एन॑सः ॥ यत् । इ॒दम् । मा॒ । अ॒भि॒शोच॒तीत्य॑भि-शोच॑ति । पौरु॑षेयेण । दैव्ये॑न ॥ स्तौमि॑ । विश्वान्॑ । दे॒वान् । ना॒थि॒तः । जो॒ह॒वी॒मि॒ । ते । नः॒ । मु॒ञ्च॒न्तु॒ । एन॑सः ॥ अन्विति॑ । नः॒ । अ॒द्य । अनु॑मति॒रियनु॑ - म॒तिः॒ । अन्विति॑ ।