द॑नुमते॒ त्वं ॅवै᳚श्वान॒रो न॑ ऊ॒त्यापृ॒ष्टो दि॒वि>ये अप्र॑थेता॒-ममि॑तेभि॒ रोजो॑भि॒ र्ये प्र॑ति॒ष्ठे अभ॑वतां॒ ॅवसू॑नां ।स्तौमि॒ द्यावा॑ पृथि॒वी ना॑थि॒तो जो॑हवीमि॒ ते नो॑ मुञ्चत॒मꣳ ह॑सः ॥उर्वी॑ रोदसी॒ वरि॑वः कृणोतं॒ क्षेत्र॑स्य पत्नी॒ अधि॑ नो ब्रूयातं ।स्तौमि॒ द्यावा॑ पृथि॒वी ना॑थि॒तो जो॑हवीमि॒ ते नो॑ मुञ्चत॒मꣳ ह॑सः ॥यत् ते॑ व॒यं पु॑रुष॒त्रा य॑वि॒ष्ठा वि॑द्वाꣳसश्चकृ॒मा कच्च॒ ना - [ ]
पदपाठः (Word-by-word)
इत् । अ॒नु॒म॒त॒ इत्य॑नु - म॒ते॒ । त्वम् । वै॒श्वा॒न॒रः । नः॒ । ऊ॒त्या । पृ॒ष्टः । दि॒वि ॥ ये इति॑ । अप्र॑थेताम् । अमि॑तेभिः । ओजो॑भि॒रित्योजः॑ - भिः॒ । ये इति॑ । प्र॒ति॒ष्ठे इति॑ प्रति - स्थे । अभ॑वताम् । वसू॑नाम् ॥ स्तौमि॑ । द्यावा॑पृथि॒वी इति॒ द्यावा᳚ - पृ॒थि॒वी । ना॒थि॒तः । जो॒ह॒वी॒मि॒ । ते इति॑ । नः॒ । मु॒ञ्च॒त॒म् । अꣳह॑सः ॥ उर्वी॒ इति॑ । रो॒द॒सी॒ इति॑ । वरि॑वः । कृ॒णो॒त॒म् । क्षेत्र॑स्य । प॒त्नी॒ इति॑ । अधीति॑ । नः॒ । ब्रू॒या॒त॒म् ॥ स्तौमि॑ । द्यावा॑पृथि॒वी इति॒ द्यावा᳚ - पृ॒थि॒वी । ना॒थि॒तः । जो॒ह॒वी॒मि॒ । ते इति॑ । नः॒ । मु॒ञ्च॒त॒म् । अꣳह॑सः ॥ यत् । ते॒ । व॒यम् । पु॒रु॒ष॒त्रेति॑ पुरुष-त्रा । य॒वि॒ष्ठ॒ । अवि॑द्वाꣳसः । च॒कृ॒म । कत् । च॒न ।