म॒ इन्द्र॑श्च मे धा॒ता च॑ म॒ इन्द्र॑श्च मे॒ विष्णु॑श्च म॒ इन्द्र॑श्च मे॒ ऽश्विनौ॑ च म॒ इन्द्र॑श्च मे म॒रुत॑श्च म॒ इन्द्र॑श्च मे॒ विश्वे॑ च मे दे॒वा इन्द्र॑श्च मे पृथि॒वी च॑ म॒ इन्द्र॑श्च मे॒ऽन्तरि॑क्षं च म॒ इन्द्र॑श्च मे॒ द्यौश्च॑ म॒ ( ) इन्द्र॑श्च मे॒ दिश॑श्च म॒ इन्द्र॑श्च मे मू॒र्द्धा च॑ म॒ इन्द्र॑श्च मे प्र॒जाप॑तिश्च म॒ इन्द्र॑श्च मे ॥
पदपाठः (Word-by-word)
मे॒ । इन्द्रः॑ । च॒ । मे॒ । धा॒ता । च॒ । मे॒ । इन्द्रः॑ । च॒ । मे॒ । विष्णुः॑ । च॒ । मे॒ । इन्द्रः॑ । च॒ । मे॒ । अ॒श्विनौ᳚ । च॒ । मे॒ । इन्द्रः॑ । च॒ । मे॒ । म॒रुतः॑ । च॒ । मे॒ । इन्द्रः॑ । च॒ । मे॒ । विश्वे᳚ । च॒ । मे॒ । दे॒वाः । इन्द्रः॑ । च॒ । मे॒ । पृ॒थि॒वी । च॒ । मे॒ । इन्द्रः॑ । च॒ । मे॒ । अ॒न्तरि॑क्षम् । च॒ । मे॒ । इन्द्रः॑ । च॒ । मे॒ । द्यौः । च॒ । मे॒ ( ) । इन्द्रः॑ । च॒ । मे॒ । दिशः॑ । च॒ । मे॒ । इन्द्रः॑ । च॒ । मे॒ । मू॒र्द्धा । च॒ । मे॒ । इन्द्रः॑ । च॒ । मे॒ । प्र॒जाप॑ति॒रिति॑ प्र॒जा - प॒तिः॒ । च॒ । मे॒ । इन्द्रः॑ । च॒ । मे॒ ॥