शु॒क्रास्ता न॒ आपः॒ शꣳ स्यो॒ना भ॑वन्तु ॥ शि॒वेन॑ मा॒ चक्षु॑षा पश्यताऽऽ*पः शि॒वया॑ त॒नुवोप॑ स्पृशत॒ त्वचं॑ मे ।सर्वाꣳ॑ अ॒ग्नीꣳ र॑फ्सु॒षदो॑ हुवे वो॒ मयि॒ वर्चो॒ बल॒मोजो॒ नि ध॑त्त ॥यद॒दः सं॑ प्रय॒॒तीरहा॒॒ वन॑दताह॒ते । तस्मा॒दा न॒द्यो॑ नाम॑ स्थ॒ ता वो॒ नामा॑नि सिन्धवः ॥ यत् प्रेषि॑ता॒ वरु॑णेन॒ ताः शीभꣳ॑ स॒मव॑ल्गत ।
पदपाठः (Word-by-word)
शु॒क्राः । ताः । नः॒ । आपः॑ । शम् । स्यो॒नाः । भ॒व॒न्तु॒ ॥ शि॒वेन॑ । मा॒ । चक्षु॑षा । प॒श्य॒त॒ । आ॒पः॒ । शि॒वया᳚ । त॒नुवा᳚ । उपेति॑ । स्पृ॒श॒त॒ । त्वच᳚म् । मे॒ ॥ सर्वान्॑ । अ॒ग्नीन् । अ॒फ्सु॒षद॒ इत्य॑फ्सु - सदः॑ । हु॒वे॒ । वः॒ । मयि॑ । वर्चः॑ । बल᳚म् । ओजः॑ । नीति॑ । ध॒त्त॒ ॥ यत् । अ॒दः । स॒प्रं॒य॒तीरिति॑ सं - प्र॒य॒तीः । अहौ᳚ । अन॑दत । ह॒ते ॥ तस्मा᳚त् । एति॑ । न॒द्यः॑ । नाम॑ । स्थ॒ । ता । वः॒ । नामा॑नि । सि॒न्ध॒वः॒ ॥ यत् । प्रेषि॑ता॒ इति॒ प्र - इ॒षि॒ताः॒ । वरु॑णेन । ताः । शीभ᳚म् । स॒मव॑ल्ग॒तेति॑ सं - अव॑ल्गत ॥