पि॒शङ्गा॒स्त्रयो॑ वास॒न्ताः सा॒रङ्गा॒स्त्रयो॒ ग्रैष्माः॒ पृष॑न्त॒स्त्रयो॒ वार्.षि॑काः॒ पृश्न॑य॒स्त्रयः शार॒दाः पृ॑श्निस॒क्थास्त्रयो॒ हैम॑न्तिका अवलि॒प्तास्त्रयः॑ शैशि॒राः सं॑ॅवथ्स॒राय॒ निव॑क्षसः ॥स्पॆचिअल् कोर्वै fऒर् अनुवाकम् 12 तॊरोहि॑तः कृ॒ष्णा धू॒म्रल॑लामाः॒ - पृश्निः॑ श्या॒मा अ॑रु॒णल॑लामाः -शितिबा॒हुः शि॒ल्पाः श्येनीः᳚ श्या॒मल॑लामा - उन्न॒तः सि॒द्ध्मा धा॒त्रे पौ॒ष्णाः श्येत॑ललामाः - क॒र्णा ब॒भ्रुल॑लामाः - शु॒ण्ठा गौ॒रल॑लामा॒ - इन्द्रा॑य कृ॒ष्णाल॑लामा॒ - अदि॑त्यै॒ रोहि॑त ललामः -सौ॒म्या मा॒लङ्गा॑ - वारु॒णाः सू॒राः श्येत॑ललामा॒ - दश॑ ।
पदपाठः (Word-by-word)
पि॒शङ्गाः᳚ । त्रयः॑ । वा॒स॒न्ताः । सा॒रङ्गाः᳚ । त्रयः॑ । ग्रैष्माः᳚ । पृष॑न्तः । त्रयः॑ । वार्.षि॑काः । पृश्न॑यः । त्रयः॑ । शा॒र॒दाः । पृ॒श्नि॒स॒क्था इति॑ पृश्नि - स॒क्थाः । त्रयः॑ । हैम॑न्तिकाः । अ॒व॒लि॒प्ता इत्य॑व-लि॒प्ताः । त्रयः॑ । शै॒शि॒राः । सं॒ॅव॒थ्स॒रायेति॑ सं - व॒थ्स॒राय॑ । निव॑क्षस॒ इति॒ नि - व॒क्ष॒सः॒ ॥रोहि॑तः कृ॒ष्णा धू॒म्रल॑लामाः॒ - पृश्निः॑ श्या॒मा अ॑रु॒णल॑लामाः -शितिबा॒हुः शि॒ल्पाः श्येनीः᳚ श्या॒मल॑लामा - उन्न॒तः सि॒द्ध्मा धा॒त्रे पौ॒ष्णाः श्येत॑ललामाः - क॒र्णा ब॒भ्रुल॑लामाः - शु॒ण्ठा गौ॒रल॑लामा॒ - इन्द्रा॑य कृ॒ष्णाल॑लामा॒ - अदि॑त्यै॒ रोहि॑त ललामः -सौ॒म्या मा॒लङ्गा॑ - वारु॒णाः सू॒राः श्येत॑ललामा॒ - दश॑ ।
भट्टभास्करभाष्यम् (Bhatta Bhaskara Commentary)
1 पिशङ्गादय क्रतुपशवः प्रत्यृतु त्रयस्त्रयः । 'सक्थञ्चाक्रान्तात्' इत्युत्तरपदान्तोदात्तत्वम् । हैमन्तिका इति । 'हेमन्ताच्च' इति ठञ् । अवलिप्ताः वर्णान्तरस्योपरि वर्णान्तरलिप्ताः । स्तब्धा इत्यन्ये । संवत्सराय निवक्षस आलभ्यते । निवक्षसः निम्नवक्षसः ॥
इति भट्टभास्करमिश्रविरचिते यजुर्वेदभाष्ये ज्ञानयज्ञाख्ये पञ्चमे काण्डे षष्ठप्रश्ने त्रयोविंशोनुवाकः ॥
समाप्तश्च प्रपाठकः ॥
……………………………………………………………………………………………………………
प्रश्नः-7