यजुर्वेद

कनी॑याꣳसम् । य॒ज्ञ्॒क्र॒तुमिति॑ यज्ञ् - क्र॒तुम् । उपेति॑ । इ॒या॒त् । पापी॑यसी । अ॒स्य॒ । आ॒त्मनः॑ । प्र॒जेति॑ प्र - जा । स्या॒त् । वेदि॑सम्मिता॒मिति॒ वेदि॑ - स॒म्मि॒ता॒म् । मि॒नो॒ति॒ । ज्यायाꣳ॑सम् । ए॒व । य॒ज्ञ्॒क्र॒तुमिति॑ यज्ञ् - क्र॒तुम् । उपेति॑ । ए॒ति॒ । न । अ॒स्य॒ । आ॒त्मनः॑ । पापी॑यसी । प्र॒जेति॑ प्र - जा । भ॒व॒ति॒ । सा॒ह॒स्रम् । चि॒न्वी॒त॒ । प्र॒थ॒मम् । चि॒न्वा॒नः । स॒हस्र॑सम्मित॒ इति॑ स॒हस्र॑ - स॒म्मि॒तः॒ । वै । अ॒यम् । लो॒कः । इ॒मम् । ए॒व । लो॒कम् । अ॒भीति॑ । ज॒य॒ति॒ । द्विषा॑हस्र॒मिति॒ द्वि - सा॒ह॒स्र॒म् । चि॒न्वी॒त॒ । द्वि॒तीय᳚म् । चि॒न्वा॒नः । द्विषा॑हस्र॒मिति॒ द्वि - सा॒ह॒स्र॒म् । वै । अ॒न्तरि॑क्षम् । अ॒न्तरि॑क्षम् । ए॒व । अ॒भीति॑ । ज॒य॒ति॒ । त्रिषा॑हस्र॒मिति॒ त्रि - सा॒ह॒स्र॒म् । चि॒न्वी॒त॒ । तृ॒तीय᳚म् । चि॒न्वा॒नः ।