-मुपे॑या॒न्न तृ॒तीयं॑ चि॒त्वा कां च॒नोपे॑या॒द्-रेतो॒ वा ए॒तन्नि ध॑त्ते॒ यद॒ग्निं चि॑नु॒ते यदु॑पे॒याद्-रेत॑सा॒ व्यृ॑द्ध्ये॒ताऽथो॒ खल्वा॑हुर प्रज॒स्यं तद्-यन्नोपे॒यादिति॒ यद्-रे॑त॒स्सिचा॑वुप॒दधा॑ति॒ ते ए॒व यज॑मानस्य॒ रेतो॑ बिभृत॒स्तस्मा॒-दुपे॑या॒द्-रेत॒सो-ऽस्क॑न्दाय॒ त्रीणि॒ वाव रेताꣳ॑सि पि॒ता पु॒त्रः पौत्रो॒ - [ ]
पदपाठः (Word-by-word)
उपेति॑ । इ॒या॒त् । न । तृ॒तीय᳚म् । चि॒त्वा । काम् । च॒न । उपेति॑ । इ॒या॒त् । रेतः॑ । वै । ए॒तत् । नीति॑ । ध॒त्ते॒ । यत् । अ॒ग्निम् । चि॒नु॒ते । यत् । उ॒पे॒यादित्यु॑प - इ॒यात् । रेत॑सा । वीति॑ । ऋ॒द्ध्ये॒त॒ । अथो॒ इति॑ । खलु॑ । आ॒हुः॒ । अ॒प्र॒ज॒स्यमित्य॑प्र-ज॒स्यम् । तत् । यत् । न । उ॒पे॒यादित्यु॑प - इ॒यात् । इति॑ । यत् । रे॒त॒स्सिचा॒विति॑ रेतः - सिचौ᳚ । उ॒प॒दधा॒तीत्यु॑प - दधा॑ति । ते इति॑ । ए॒व । यज॑मानस्य । रेतः॑ । बि॒भृ॒तः॒ । तस्मा᳚त् । उपेति॑ । इ॒या॒त् । रेत॑सः । अस्क॑न्दाय । त्रीणि॑ । वाव । रेताꣳ॑सि । पि॒ता । पु॒त्रः । पौत्रः॑ ।