यजुर्वेद

अ॒स्मै॒ । इ॒मे । लो॒काः । ऊर्ज᳚म् । प्र॒जास्विति॑ प्र - जासु॑ । द॒धा॒ति॒ । त्रि॒रा॒त्रेणेति॑ त्रि - रा॒त्रेण॑ । ए॒व । इ॒मम् । लो॒कम् । क॒ल्प॒य॒ति॒ । त्रि॒रा॒त्रेणेति॑ त्रि - रा॒त्रेण॑ । अ॒न्तरि॑क्षम् । त्रि॒रा॒त्रेणेति॑ त्रि - रा॒त्रेण॑ । अ॒मुम् । लो॒कम् । यथा᳚ । गु॒णे । गु॒णम् । अ॒न्वस्य॒तीत्य॑नु-अस्य॑ति । ए॒वम् । ए॒व । तत् । लो॒के । लो॒कम् । अन्विति॑ । अ॒स्य॒ति॒ । धृत्यै᳚ । अशि॑थिलंभावा॒येत्यशि॑थिलं - भा॒वा॒य॒ । ज्योतिः॑ । गौः । आयुः॑ । इति॑ । ज्ञा॒ताः । स्तोमाः᳚ । भ॒व॒न्ति॒ । इ॒यम् । वाव । ज्योतिः॑ । अ॒न्तरि॑क्षम् । गौः । अ॒सौ । आयुः॑ । ए॒षु । ए॒व । लो॒केषु॑ । प्रतीति॑ । ति॒ष्ठ॒न्ति॒ । ज्ञात्र᳚म् । प्र॒जाना॒मिति॑ प्र - जाना᳚म् ।