यजुर्वेद

ए॒क॒विꣳ॒॒श इत्ये॑क - विꣳ॒॒शः । उ॒क्थ्यः॑ । सौ॒रीषु॑ । प्रति॑ष्ठित्या॒ इति॒ प्रति॑ - स्थि॒त्यै॒ । अथो॒ इति॑ । रुच᳚म् । ए॒व । आ॒त्मन्न् । ध॒त्ते॒ । स॒प्त॒द॒श इति॑ सप्त - द॒शः । अ॒ग्नि॒ष्टो॒म इत्य॑ग्नि - स्तो॒मः । प्रा॒जा॒प॒त्यास्विति॑ प्राजा - प॒त्यासु॑ । उ॒प॒ह॒व्य॑ इत्यु॑प - ह॒व्यः॑ । उ॒प॒ह॒वमित्यु॑प - ह॒वम् । ए॒व । ग॒च्छ॒ति॒ । त्रि॒ण॒वाविति॑ त्रि - न॒वौ । अ॒ग्नि॒ष्टो॒मावित्य॑ग्नि - स्तो॒मौ । अ॒भितः॑ । ऐ॒न्द्रीषु॑ । विजि॑त्या॒ इति॒ वि - जि॒त्यै॒ । त्र॒य॒स्त्रिꣳ॒॒श इति॑ त्रयः - त्रिꣳ॒॒शः । उ॒क्थ्यः॑ । वै॒श्व॒दे॒वीष्विति॑ वैश्व - दे॒वीषु॑ । प्रति॑ष्ठित्या॒ इति॒ प्रति॑ - स्थि॒त्यै॒ । वि॒श्व॒जिदिति॑ विश्व - जित् । सर्व॑पृष्ठ॒ इति॒ सर्व॑ - पृ॒ष्ठः॒ । अ॒ति॒रा॒त्र इत्य॑ति - रा॒त्रः । भ॒व॒ति॒ । सर्व॑स्य । अ॒भिजि॑त्या॒ इत्य॒भि - जि॒त्यै॒ ॥