यजुर्वेद

ए॒ति॒ । प्र॒जाप॑ति॒रिति॑ प्र॒जा - प॒तिः॒ । वै । ए॒षः । द्वा॒द॒श॒धेति॑ द्वादश - धा । विहि॑त॒ इति॒ वि - हि॒तः॒ । यत् । द्वा॒द॒श॒रा॒त्र इति॑ द्वादश - रा॒त्रः । यौ । अ॒ति॒रा॒त्रावित्य॑ति - रा॒त्रौ । तौ । प॒क्षौ । ये । अन्त॑रे । अ॒ष्टौ । उ॒क्थ्याः᳚ । सः । आ॒त्मा । प्र॒जाप॑ति॒रिति॑ प्र॒जा-प॒तिः॒ । वाव । ए॒षः । सन्न् । सत् । ह॒ । वै । स॒त्रेण॑ । स्पृ॒णो॒ति॒ । प्रा॒णा इति॑ प्र - अ॒नाः । वै । सत् । प्रा॒णानिति॑ प्र - अ॒नान् । ए॒व । स्पृ॒णो॒ति॒ । सर्वा॑साम् । वै । ए॒ते । प्र॒जाना॒मिति॑ प्र - जाना᳚म् । प्रा॒णैरिति॑ प्र - अ॒नैः । आ॒स॒ते॒ । ये । स॒त्रम् । आस॑ते । तस्मा᳚त् । पृ॒च्छ॒न्ति॒ । किम् । ए॒ते । स॒त्रिणः॑ । इति॑ । प्रि॒यः । प्र॒जाना॒मिति॑ प्र-जाना᳚म् ( ) । उत्थि॑त॒ इत्युत् - स्थि॒तः॒ । भ॒व॒ति॒ । यः । ए॒वम् । वेद॑ ॥