ही॑यते॒ तस्मा᳚द्-दश॒मे ऽह॑न्नविवा॒क्य उप॑हताय॒ न व्युच्य॒मथो॒ खल्वा॑हुर्य॒ज्ञ्स्य॒ वै समृ॑द्धेन दे॒वाः सु॑व॒र्गं ॅलो॒कमा॑यन् य॒ज्ञ्स्य॒ व्यृ॑द्धे॒नासु॑रा॒न् परा॑ऽभावय॒न्निति॒ यत् खलु॒ वै य॒ज्ञ्स्य॒ समृ॑द्धं॒ तद्-यज॑मानस्य॒ यद्व्यृ॑द्धं॒ तद्भ्रातृ॑व्यस्य॒ स यो वै द॑श॒मेऽह॑न्नविवा॒क्य उ॑पह॒न्यते॒ स ए॒वाति॑ रेचयति॒ ते ये बाह्या॑ दृशी॒कवः॒ - [ ]
पदपाठः (Word-by-word)
ही॒य॒ते॒ । तस्मा᳚त् । द॒श॒मे । अहन्न्॑ । अ॒वि॒वा॒क्य इत्य॑वि - वा॒क्ये । उप॑हता॒येत्युप॑ - ह॒ता॒य॒ । न । व्युच्य॒मिति॑ वि-उच्य᳚म् । अथो॒ इति॑ । खलु॑ । आ॒हुः॒ । य॒ज्ञ्स्य॑ । वै । समृ॑द्धे॒नेति॒ सं - ऋ॒द्धे॒न॒ । दे॒वाः । सु॒व॒र्गमिति॑ सुवः - गम् । लो॒कम् । आ॒य॒न्न् । य॒ज्ञ्स्य॑ । व्यृ॑द्धे॒नेति॒ वि - ऋ॒द्धे॒न॒ । असु॑रान् । परेति॑ । अ॒भा॒व॒य॒न्न् । इति॑ । यत् । खलु॑ । वै । य॒ज्ञ्स्य॑ । समृ॑द्ध॒मिति॒ सं - ऋ॒द्ध॒म् । तत् । यज॑मानस्य । यत् । व्यृ॑द्ध॒मिति॒ वि-ऋ॒द्ध॒म् । तत् । भ्रातृ॑व्यस्य । सः । यः । वै । द॒श॒मे । अहन्न्॑ । अ॒वि॒वा॒क्य इत्य॑वि - वा॒क्ये । उ॒प॒ह॒न्यत॒ इत्यु॑प - ह॒न्यते᳚ । सः । ए॒व । अतीति॑ । रे॒च॒य॒ति॒ । ते । ये । बाह्याः᳚ । दृ॒शी॒कवः॑ ।