यजुर्वेद

लो॒के । प॒शवः॑ । ये । ए॒वम् । वि॒द्वाꣳसः॑ । च॒तु॒र्द॒श॒रा॒त्रमिति॑ चतुर्दश - रा॒त्रम् । आस॑ते । उ॒भयोः᳚ । ए॒व । लो॒कयोः᳚ । ऋ॒द्ध्नु॒व॒न्ति॒ । अ॒स्मिन्न् । च॒ । अ॒मुष्मिन्न्॑ । च॒ । पृ॒ष्ठैः । ए॒व । अ॒मुष्मिन्न्॑ । लो॒के । ऋ॒द्ध्नु॒वन्ति॑ । त्र्य॒हाभ्या॒मिति॑ त्रि - अ॒हाभ्या᳚म् । अ॒स्मिन्न् । लो॒के । ज्योतिः॑ । गौः । आयुः॑ । इति॑ । त्र्य॒ह इति॑ त्रि-अ॒हः । भ॒व॒ति॒ । इ॒यम् । वाव । ज्योतिः॑ । अ॒न्तरि॑क्षम् । गौः । अ॒सौ । आयुः॑ । इ॒मान् । ए॒व । लो॒कान् । अ॒भ्यारो॑ह॒न्तीत्य॑भि - आरो॑हन्ति । यत् । अ॒न्यतः॑ । पृ॒ष्ठानि॑ । स्युः । विवि॑वध॒मिति॒ वि-वि॒व॒ध॒म् । स्या॒त् । मद्ध्ये᳚ । पृ॒ष्ठानि॑ । भ॒व॒न्ति॒ । स॒वि॒व॒ध॒त्वायेति॑ सविवध - त्वाय॑ ।