यजुर्वेद

ब्र॒ह्म॒व॒र्च॒सिन॒ इति॑ ब्रह्म - व॒र्च॒सिनः॑ । अ॒न्ना॒दा इत्य॑न्न - अ॒दाः । भ॒व॒न्ति॒ । द्वे इति॑ । वै । ए॒ते इति॑ । वि॒राजा॒विति॑ वि-राजौ᳚ । तयोः᳚ । ए॒व । नाना᳚ । प्रतीति॑ । ति॒ष्ठ॒न्ति॒ । विꣳ॒॒शः । वै । पुरु॑षः । दश॑ । हस्त्याः᳚ । अ॒ङ्गुल॑यः । दश॑ । पद्याः᳚ । यावान्॑ । ए॒व । पुरु॑षः । तम् । आ॒प्त्वा । उदिति॑ । ति॒ष्ठ॒न्ति॒ । ज्योतिः॑ । गौः । आयुः॑ । इति॑ । त्र्य॒हा इति॑ त्रि - अ॒हाः । भ॒व॒न्ति॒ । इ॒यम् । वाव । ज्योतिः॑ । अ॒न्तरि॑क्षम् । गौः । अ॒सौ । आयुः॑ । इ॒मान् । ए॒व । लो॒कान् । अ॒भ्यारो॑ह॒न्तीत्य॑भि - आरो॑हन्ति । अ॒भि॒पू॒र्वमित्य॑भि - पू॒र्वम् । त्र्य॒हा इति॑ त्रि - अ॒हाः । भ॒व॒न्ति॒ । अ॒भि॒पू॒र्वमित्य॑भि - पू॒र्वम् । ए॒व । सु॒व॒र्गमिति॑ सुवः - गम् ।