पञ्चशत् 1 #
अ॒ग्नये॒ स्वाहा॒ सोमा॑य॒ स्वाहा॑ वा॒यवे॒ स्वाहा॒ ऽपां मोदा॑य॒ स्वाहा॑ सवि॒त्रे स्वाहा॒ सर॑स्वत्यै॒ स्वाहे-न्द्रा॑य॒ स्वाहा॒ बृह॒स्पत॑ये॒ स्वाहा॑ मि॒त्राय॒ स्वाहा॒ वरु॑णाय॒ स्वाहा॒ सर्व॑स्मै॒ स्वाहा᳚ ॥
पदपाठः (Word-by-word)
अ॒ग्नये᳚ । स्वाहा᳚ । सोमा॑य । स्वाहा᳚ । वा॒यवे᳚ । स्वाहा᳚ । अ॒पाम् । मोदा॑य । स्वाहा᳚ । स॒वि॒त्रे । स्वाहा᳚ । सर॑स्वत्यै । स्वाहा᳚ । इन्द्रा॑य । स्वाहा᳚ । बृह॒स्पत॑ये । स्वाहा᳚ । मि॒त्राय॑ । स्वाहा᳚ । वरु॑णाय । स्वाहा᳚ । सर्व॑स्मै । स्वाहा᳚ ॥
भट्टभास्करभाष्यम् (Bhatta Bhaskara Commentary)
1 अथ पूर्वाश्वस्य स्तोत्रियाः - अग्नये स्वाहेत्यादि ।। निगदसिद्धाः । अपां मोदः पर्जन्यः । सवित्रे 'उदात्तयणः' इति विभक्तेरुदात्तत्वम् । बृहस्पतये । सुट्स्वरावुक्तौ । सर्वस्मै अनुक्ताय प्रजापत्यादये । पूर्णाहुतिः । एवं सर्वत्र ।।
इति सप्तमे प्रथमे चतुर्दशोनुवाकः ॥