पञ्चशत् 1 #
अ॒ग्नये॒ स्वाहा॒ सोमा॑य॒ स्वाहा॑ सवि॒त्रे स्वाहा॒ सर॑स्वत्यै॒ स्वाहा॑ पू॒ष्णे स्वाहा॒ बृह॒स्पत॑ये॒ स्वाहा॒ ऽपां मोदा॑य॒ स्वाहा॑ वा॒यवे॒ स्वाहा॑ मि॒त्राय॒ स्वाहा॒ वरु॑णाय॒ स्वाहा॒ सर्व॑स्मै॒ स्वाहा᳚ ॥
पदपाठः (Word-by-word)
अ॒ग्नये᳚ । स्वाहा᳚ । सोमा॑य । स्वाहा᳚ । स॒वि॒त्रे । स्वाहा᳚ । सर॑स्वत्यै । स्वाहा᳚ । पू॒ष्णे । स्वाहा᳚ । बृह॒स्पत॑ये । स्वाहा᳚ । अ॒पाम् । मोदा॑य । स्वाहा᳚ । वा॒यवे᳚ । स्वाहा᳚ । मि॒त्राय॑ । स्वाहा᳚ । वरु॑णाय । स्वाहा᳚ । सर्व॑स्मै । स्वाहा᳚ ॥
भट्टभास्करभाष्यम् (Bhatta Bhaskara Commentary)
1 अथोत्तरस्तोत्रीयाः - अग्नये स्वाहेति ।। स्पष्टाः । अत्र विशेषः - वाय्वपांमोदशब्दौ बृहस्पतिमित्रयोर्मध्ये द्रष्टव्यौ विपर्यस्तौ । इन्द्रस्य स्थाने पूषा भवति । पूर्वस्तोत्रियैः समानमन्यत् । उदात्तनिवृत्तिस्वरेण पूष्णो विभक्तेरुदात्तत्वम् । सर्वस्मै प्रजापत्यादये च ।।
इति सप्तमे प्रथमे षोडशोनुवाकः ॥