अ॒ग्नये॒ सम॑नमत् पृथि॒व्यै सम॑नम॒द्यथा॒ऽग्निः पृ॑थि॒व्या स॒मन॑मदे॒वं मह्यं॑ भ॒द्राः संन॑तयः॒ सं न॑मन्तु वा॒यवे॒ सम॑नमद॒न्तरि॑क्षाय॒ सम॑नम॒द्यथा॑ वा॒युर॒न्तरि॑क्षेण॒ सूर्या॑य॒ सम॑नमद्दि॒वे सम॑नम॒द्यथा॒ सूर्यो॑ दि॒वा च॒न्द्रम॑से॒ सम॑नम॒न्नक्ष॑त्रेभ्यः॒ सम॑नम॒द्यथा॑ च॒न्द्रमा॒ नक्ष॑त्रै॒र्वरु॑णाय॒ सम॑नमद॒द्भ्यः सम॑नम॒द्यथा॒ - [ ]
पदपाठः (Word-by-word)
अ॒ग्नये᳚ । समिति॑ । अ॒न॒म॒त् । पृ॒थि॒व्यै । समिति॑ । अ॒न॒म॒त् । यथा᳚ । अ॒ग्निः । पृ॒थि॒व्या । स॒मन॑म॒दिति॑ सं - अन॑मत् । ए॒वम् । मह्य᳚म् । भ॒द्राः । संन॑तय॒ इति॒ सं - न॒त॒यः॒ । समिति॑ । न॒म॒न्तु॒ । वा॒यवे᳚ । समिति॑ । अ॒न॒म॒त् । अ॒न्तरि॑क्षाय । समिति॑ । अ॒न॒म॒त् । यथा᳚ । वा॒युः । अ॒न्तरि॑क्षेण । सूर्या॑य । समिति॑ । अ॒न॒म॒त् । दि॒वे । समिति॑ । अ॒न॒म॒त् । यथा᳚ । सूर्यः॑ । दि॒वा । च॒न्द्रम॑से । समिति॑ । अ॒न॒म॒त् । नक्ष॑त्रेभ्यः । समिति॑ । अ॒न॒म॒त् । यथा᳚ । च॒न्द्रमाः᳚ । नक्ष॑त्रैः । वरु॑णाय । समिति॑ । अ॒न॒म॒त् । अ॒द्भ्य इत्य॑त् - भ्यः । समिति॑ । अ॒न॒म॒त्॒ । यथा᳚ ।
भट्टभास्करभाष्यम् (Bhatta Bhaskara Commentary)
(SB) 1अथ सन्नतिहोमा उच्यन्ते । तथा च ब्राह्मणम् - 'अग्नये समनमत्पृथिव्यै समनमदिति सन्नतिहोमान् जुहोति' इति । अग्नय डति ॥ सर्वोऽपि यजमानः अग्नये समनमत् सन्नतिं परिचर्यामकरोत् । तथा पृथिव्यै समनमत् परिचर्यामकरोत् । स च पृथिव्या सहितोऽग्निः यथा समनमत् येन प्रकारेण तस्मै यजमानाय सन्नतिं उपकारमकरोत् एवं अनेन प्रकारेण मह्यं मदर्थं भद्राः सन्नतयः कल्याणा उपकाराः देवकृताः संनमन्तु प्राप्नुवन्तु । एवमुत्तरेष्वपि मन्त्रेषु योजनीयम् । 'समनमदेवं मह्यं' इत्यादिकं सर्वत्रानुषज्यते । तदर्थमेवान्ते पुनः पाठः । एतैर्दशभिर्मन्त्रैः अन्नहोमेषु सन्नतिहोमाः कर्तव्याः ॥
इति माधवीये सप्तमे पञ्चमे त्रयोविंशोनुवाकः ॥