यजुर्वेद

स॒मा॒न्यः॑ । ऋचः॑ । भ॒व॒न्ति॒ । म॒नु॒ष्य॒लो॒क इति॑ मनुष्य - लो॒कः । वै । ऋचः॑ । म॒नु॒ष्य॒लो॒कादिति॑ मनुष्य - लो॒कात् । ए॒व । न । य॒न्ति॒ । अ॒न्यद॑न्य॒दित्य॒न्यत् - अ॒न्य॒त् । साम॑ । भ॒व॒ति॒ । दे॒व॒लो॒क इति॑ देव - लो॒कः । वै । साम॑ । दे॒व॒लो॒कादिति॑ देव - लो॒कात् । ए॒व । अ॒न्यम॑न्य॒मित्य॒न्यं - अ॒न्य॒म् । म॒नु॒ष्य॒लो॒कमिति॑ मनुष्य - लो॒कम् । प्र॒त्य॒व॒रोह॑न्त॒ इति॑ प्रति - अ॒व॒रोह॑न्तः । य॒न्ति॒ । जग॑तीम् । अग्रे᳚ । उपेति॑ । य॒न्ति॒ । जग॑तीम् । वै । छन्दाꣳ॑सि । प्र॒त्यव॑रोह॒न्तीति॑ प्रति - अव॑रोहन्ति । आ॒ग्र॒य॒णम् । ग्रहाः᳚ । बृ॒हत् । पृ॒ष्ठानि॑ । त्र॒य॒स्त्रिꣳ॒॒शमिति॑ त्रयः - त्रिꣳ॒॒शम् । स्तोमाः᳚ । तस्मा᳚त् । ज्यायाꣳ॑सम् । कनी॑यान् । प्र॒त्यव॑रोह॒तीति॑ प्रति - अव॑रोहति । वै॒श्व॒क॒र्म॒ण इति॑ वैश्व - क॒र्म॒णः । गृ॒ह्य॒ते॒ । विश्वा॑नि । ए॒व । तेन॑ । कर्मा॑णि । यज॑मानाः । अवेति॑ । रु॒न्ध॒ते॒ । आ॒दि॒त्यः ।