यजुर्वेद

वाच᳚म् । अवेति॑ । रु॒न्ध॒ते॒ । भू॒मि॒दु॒न्दु॒भिमिति॑ भूमि - दु॒न्दु॒भिम् । एति॑ । घ्न॒न्ति॒ । या । ए॒व । इ॒माम् । वाक् । प्रवि॒ष्टेति॒ प्र - वि॒ष्टा॒ । ताम् । ए॒व । अवेति॑ । रु॒न्ध॒ते॒ । अथो॒ इति॑ । इ॒माम् । ए॒व । ज॒य॒न्ति॒ । सर्वाः᳚ । वाचः॑ । व॒द॒न्ति॒ । सर्वा॑साम् । वा॒चाम् । अव॑रुद्ध्या॒ इत्यव॑ - रु॒द्ध्यै॒ । आ॒र्द्रे । चर्मन्न्॑ । व्याय॑च्छेते॒ इति॑ वि-आय॑च्छेते । इ॒न्द्रि॒यस्य॑ । अव॑रुद्ध्या॒ इत्यव॑ - रु॒द्ध्यै॒ । एति॑ । अ॒न्यः । क्रोश॑ति । प्रेति॑ । अ॒न्यः । शꣳ॒॒स॒ति॒ । यः । आ॒क्रोश॒तीत्या᳚-क्रोश॑ति । पु॒नाति॑ । ए॒व । ए॒ना॒न् । सः । यः । प्र॒शꣳस॒तीति॑ प्र - शꣳस॑ति । पू॒तेषु॑ । ए॒व । अ॒न्नाद्य॒मित्य॑न्न - अद्य᳚म् । द॒धा॒ति॒ । ऋषि॑कृत॒मित्यृषि॑-कृ॒त॒म् । च॒ ।