शूरो॑ वा पृ॒थ्सु कासु॑ चित् । दे॒वानां॒ ॅय इन्मनो॒ यज॑मान॒ इय॑क्षत्य॒भीदय॑ज्वनो भुवत् ॥ न य॑जमान रिष्यसि॒ न सु॑न्वान॒ न दे॑वयो ॥ अस॒दत्र॑ सु॒वीर्य॑मु॒त त्यदा॒श्वश्वि॑यं ॥ नकि॒ष्टं कर्म॑णा नश॒न्न प्र यो॑ष॒न्न यो॑षति ॥ उप॑ क्षरन्ति॒ सिन्ध॑वो मयो॒भुव॑ ईजा॒नं च॑ य॒क्ष्यमा॑णं च धे॒नवः॑ । पृ॒णन्तं॑ च॒ पपु॑रिं च - [ ]
पदपाठः (Word-by-word)
शूरः॑ । वा॒ । पृ॒थ्स्विति॑ पृत्-सु । कासु॑ । चि॒त् ॥ दे॒वाना᳚म् । यः । इत् । मनः॑ । यज॑मानः । इय॑क्षति । अ॒भीति॑ । इत् । अय॑ज्वनः । भु॒व॒त् ॥ न । य॒ज॒मा॒न॒ । रि॒ष्य॒सि॒ । न । सु॒न्वा॒न॒ । न । दे॒व॒यो॒ इति॑ देव-यो॒ ॥ अस॑त् । अत्र॑ । सु॒वीर्य॒मिति॑ सु - वीर्य᳚म् । उ॒त । त्यत् । आ॒श्वश्वि॑य॒मित्या॑शु-अश्वि॑यम् ॥ नकिः॑ । तम् । कर्म॑णा । न॒श॒त् । न । प्रेति॑ । यो॒ष॒त् । न । यो॒ष॒ति॒ ॥ उपेति॑ । क्ष॒र॒न्ति॒ । सिन्ध॑वः । म॒यो॒भुव॒ इति॑ मयः - भुवः॑ । ई॒जा॒नम् । च॒ । य॒क्ष्यमा॑णम् । च॒ । धे॒नवः॑ ॥ पृ॒णन्त᳚म् । च॒ । पपु॑रिम् । च॒ ।