यजुर्वेद

क्ष॒त्तुः । गृ॒हे । उ॒प॒द्ध्व॒स्त इत्यु॑प - ध्व॒स्तः । दक्षि॑णा । आ॒श्वि॒नम् । द्वि॒क॒पा॒लमिति॑ द्वि - क॒पा॒लम् । स॒ङ्ग्र॒ही॒तुरिति॑ सं-ग्र॒ही॒तुः । गृ॒हे । स॒वा॒त्या॑विति॑ स - वा॒त्यौ᳚ । दक्षि॑णा । पौ॒ष्णम् । च॒रुम् । भा॒ग॒दु॒घस्येति॑ भाग - दु॒घस्य॑ । गृ॒हे । श्या॒मः । दक्षि॑णा । रौ॒द्रम् । गा॒वी॒धु॒कम् । च॒रुम् । अ॒क्षा॒वा॒पस्येत्य॑क्ष - आ॒वा॒पस्य॑ । गृ॒हे । श॒बलः॑ । उद्वा॑र॒ इत्युत् - वा॒रः॒ । दक्षि॑णा । इन्द्रा॑य । सु॒त्रांण॒ इति॑ सु - त्रांणे᳚ । पु॒रो॒डाश᳚म् । एका॑दशकपाल॒मित्येका॑दश - क॒पा॒ल॒म् । प्रति॑ । निरिति॑ । व॒प॒ति॒ । इन्द्रा॑य । अꣳ॒॒हो॒मुच॒ इत्यꣳ॑हः-मुचे᳚ । अ॒यम् । नः॒ । राजा᳚ । वृ॒त्र॒हेति॑ वृत्र-हा । राजा᳚ । भू॒त्वा । वृ॒त्रम् । व॒द्ध्या॒त् । मै॒त्रा॒बा॒र्.॒ह॒स्प॒त्यमिति॑ मैत्रा-बा॒र्.॒ह॒स्प॒त्यम् । भ॒व॒ति॒ । श्वे॒तायै᳚ । श्वे॒तव॑थ्साया॒ इति॑ श्वे॒त-व॒थ्सा॒यै॒ । दु॒ग्धे । स्व॒य॒मूं॒र्त इति॑ स्वयम्-मू॒र्ते । स्व॒य॒मं॒थि॒त इति॑ स्वयं - म॒थि॒ते । आज्ये᳚ । आश्व॑त्थे ।