पञ्चशत् 1 #
नमो॒ राज्ञे॒ नमो॒ वरु॑णाय॒ नमोऽश्वा॑य॒ नमः॑ प्र॒जाप॑तये॒ नमोऽधि॑पत॒ये ऽधि॑पतिर॒स्यधि॑पतिं मा कु॒र्वधि॑पतिर॒हं प्र॒जानां᳚ भूयासं॒ मां धे॑हि॒ मयि॑ धेह्यु॒पाकृ॑ताय॒ स्वाहा ऽऽल॑ब्धाय॒ स्वाहा॑ हु॒ताय॒ स्वाहा᳚ ॥
पदपाठः (Word-by-word)
नमः॑ । राज्ञे᳚ । नमः॑ । वरु॑णाय । नमः॑ । अश्वा॑य । नमः॑ । प्र॒जाप॑तय॒ इति॑ प्र॒जा - प॒त॒ये॒ । नमः॑ । अधि॑पतय॒ इत्यधि॑ - प॒त॒ये॒ । अधि॑पति॒रित्यधि॑ - प॒तिः॒ । अ॒सि॒ । अधि॑पति॒मित्यधि॑ - प॒ति॒म् । मा॒ । कु॒रु॒ । अधि॑पति॒रित्यधि॑ - प॒तिः॒ । अ॒हम् । प्र॒जाना॒मिति॑ प्र - जाना᳚म् । भू॒या॒स॒म् । माम् । धे॒हि॒ । मयि॑ । धे॒हि॒ । उ॒पाकृ॑ता॒येत्यु॑प - आकृ॑ताय । स्वाहा᳚ । आल॑ब्धा॒येत्या - ल॒ब्धा॒य॒ । स्वाहा᳚ । हु॒ताय॑ । स्वाहा᳚ ॥
भट्टभास्करभाष्यम् (Bhatta Bhaskara Commentary)
1 रात्रिहोमेषु यव्यानि जुहोति - नमो राज्ञ इत्यादि ॥ सर्वं निगदसिद्धम् । राजा सोमः । मां धेहि धारय । यत्रावस्थापितेन मया भूयोपि किंचित्कर्तव्यमस्ति तत्र मां स्थापय यद्दातव्यम् ॥
2 उपाकृताय इत्यादौ लिङ्गादेव सिद्धो विनियोगः । आद्ययोः 'गतिरनन्तरः' इति प्रकृतिस्वरत्वम् ॥
इति सप्तमे चतुर्थे षोडशोनुवाकः ॥