-म॒भि संप॑द्यन्ते॒ द्वे चर्चा॒वति॑ रिच्येते॒ एक॑या॒ गौरति॑रिक्त॒ एक॒याऽऽयु॑रू॒नः सु॑व॒र्गो वै लो॒को ज्योति॒रूर्ग्-वि॒राडूर्ज॑-मे॒वाव॑ रुन्धते॒ ते न क्षु॒धा ऽऽर्ति॒मार्च्छ॒न्त्यक्षो॑धुका भवन्ति॒ क्षुथ् स॑बांधा इव॒ हि स॒त्रिणो᳚ ऽग्निष्टो॒माव॒भितः॑ प्र॒धी तावु॒क्थ्या॑ मद्ध्ये॒ नभ्यं॒ तत् तदे॒तत् प॑रि॒यद्-दे॑वच॒क्रं ॅयदे॒तेन॑ - [ ]
पदपाठः (Word-by-word)
अ॒भि । समिति॑ । प॒द्य॒न्ते॒ । द्वे इति॑ । च॒ । ऋचौ᳚ । अतीति॑ । रि॒च्ये॒ते॒ इति॑ । एक॑या । गौः । अति॑रिक्त॒ इत्यति॑ - रि॒क्तः॒ । एक॑या । आयुः॑ । ऊ॒नः । सु॒व॒र्ग इति॑ सुवः - गः । वै । लो॒कः । ज्योतिः॑ । ऊर्क् । वि॒राडिति॑ वि - राट् । ऊर्ज᳚म् । ए॒व । अवेति॑ । रु॒न्ध॒ते॒ । ते । न । क्षु॒धा । आर्ति᳚म् । एति॑ । ऋ॒च्छ॒न्ति॒ । अक्षो॑धुकाः । भ॒व॒न्ति॒ । क्षुथ्स॑म्बाधा॒ इति॒ क्षुत् - स॒म्बा॒धाः॒ । इ॒व॒ । हि । स॒त्रिणः॑ । अ॒ग्नि॒ष्टो॒मावित्य॑ग्नि - स्तो॒मौ । अ॒भितः॑ । प्र॒धी इति॑ प्र -धी । तौ । उ॒क्थ्याः᳚ । मद्ध्ये᳚ । नभ्य᳚म् । तत् । तत् । ए॒तत् । प॒रि॒यदिति॑ परि - यत् । दे॒व॒च॒क्रमिति॑ देव - च॒क्रम् । यत् । ए॒तेन॑ ।