षड॒हेन॒ यन्ति॑ देवच॒क्रमे॒व स॒मारो॑ह॒न्त्यरि॑ष्ट्यै॒ ते स्व॒स्ति सम॑श्नुवते षड॒हेन॑ यन्ति॒ षड्वा ऋ॒तव॑ ऋ॒तुष्वे॒व प्रति॑ तिष्ठन्त्युभ॒यतो᳚ ज्योतिषा यन्त्युभ॒यत॑ ए॒व सु॑व॒र्गे लो॒के प्र॑ति॒तिष्ठ॑न्तो यन्ति॒ द्वौ ष॑ड॒हौ भ॑वत॒स्तानि॒ द्वाद॒शाहा॑नि॒ सं प॑द्यन्ते द्वाद॒शो वै पुरु॑षो॒ द्वे स॒क्थ्यौ᳚ द्वौ बा॒हू आ॒त्मा च॒ शिर॑श्च च॒त्वार्यङ्गा॑नि॒ स्तनौ᳚ द्वाद॒शौ - [ ]
पदपाठः (Word-by-word)
ष॒ड॒हेनेति॑ षट् - अ॒हेन॑ । यन्ति॑ । दे॒व॒च॒क्रमिति॑ देव-च॒क्रम् । ए॒व । स॒मारो॑ह॒न्तीति॑ सं - आरो॑हन्ति । अरि॑ष्ट्यै । ते । स्व॒स्ति । समिति॑ । अ॒श्नु॒व॒ते॒ । ष॒ड॒हेनेति॑ षट् - अ॒हेन॑ । य॒न्ति॒ । षट् । वै । ऋ॒तवः॑ । ऋ॒तुषु॑ । ए॒व । प्रतीति॑ । ति॒ष्ठ॒न्ति॒ । उ॒भ॒यता᳚ज्योति॒षेत्यु॑भ॒यतः॑-ज्यो॒ति॒षा॒ । य॒न्ति॒ । उ॒भ॒यतः॑ । ए॒व । सु॒व॒र्ग इति॑ सुवः - गे । लो॒के । प्र॒ति॒तिष्ठ॑न्त॒ इति॑ प्रति-तिष्ठ॑न्तः । य॒न्ति॒ । द्वौ । ष॒ड॒हाविति॑ षट्-अ॒हौ । भ॒व॒तः॒ । तानि॑ । द्वाद॑श । अहा॑नि । समिति॑ । प॒द्य॒न्ते॒ । द्वा॒द॒शः । वै । पुरु॑षः । द्वे इति॑ । स॒क्थ्यौ᳚ । द्वौ । बा॒हू इति॑ । आ॒त्मा । च॒ । शिरः॑ । च॒ । च॒त्वारि॑ । अङ्गा॑नि । स्तनौ᳚ । द्वा॒द॒शौ ।