बिल॒धाव॑नः । प्रि॒यः स्त्री॒णाम॑पी॒च्यः॑ ॥ य आ॑सां कृ॒ष्णे लक्ष्म॑णि॒ सर्दि॑गृदिं प॒राव॑धीत् ॥अबें॒ अबां॒ल्यंबि॑के॒ न मा॑ यभति॒ कश्च॒न । स॒सस्त्य॑श्व॒कः ॥ऊ॒र्द्ध्वा-मे॑ना॒मुच्छ्र॑यताद्-वेणुभा॒रं गि॒रावि॑व । अथा᳚स्या॒ मद्ध्य॑मेधताꣳ शी॒ते वाते॑ पु॒नन्नि॑व ॥ अबें॒ अबां॒ल्यंबि॑के॒ न मा॑ यभति॒ कश्च॒न । स॒सस्त्य॑श्व॒कः ॥ यद्ध॑रि॒णी यव॒मत्ति॒ न - [ ]
पदपाठः (Word-by-word)
बि॒ल॒धाव॑न॒ इति॑ बिल - धाव॑नः ॥ प्रि॒यः । स्त्री॒णाम् । अ॒पी॒च्यः॑ ॥ यः । आ॒सा॒म् । कृ॒ष्णे । लक्ष्म॑णि । सर्दि॑गृदिम् । प॒राव॑धी॒दिति॑ परा - अव॑धीत् ॥ अम्बे᳚ । अम्बा॑लि । अम्बि॑के । न । मा॒ । य॒भ॒ति॒ । कः । च॒न ॥ स॒सस्ति॑ । अ॒श्व॒कः ॥ ऊ॒द्र्ध्वाम् । ए॒ना॒म् । उदिति॑ । श्र॒य॒ता॒त् । वे॒णु॒भा॒रमिति॑ वेणु-भा॒रम् । गि॒रौ । इ॒व॒ ॥ अथ॑ । अ॒स्याः॒ । मद्ध्य᳚म् । ए॒ध॒ता॒म् । शी॒ते । वाते᳚ । पु॒नन्न् । इ॒व॒ ॥ अम्बे᳚ । अम्बा॑लि । अम्बि॑के । न । मा॒ । य॒भ॒ति॒ । कः । च॒न ॥ स॒सस्ति॑ । अ॒श्व॒कः ॥ यत् । ह॒रि॒णी । यव᳚म् । अत्ति॑ । न ।