यजुर्वेद

व्यति॑षज्यन्त॒ इति॑ वि - अति॑षज्यन्ते । प्र॒जयेति॑ प्र - जया᳚ । प॒शुभि॒रिति॑ प॒शु - भिः॒ । ये । ए॒वम् । वि॒द्वाꣳसः॑ । ए॒ताः । आस॑ते । अक्लृ॑प्ताः । वै । ए॒ते । सु॒व॒र्गमिति॑ सुवः - गम् । लो॒कम् । य॒न्ति॒ । उ॒च्चा॒व॒चान् । हि । स्तोमान्॑ । उ॒प॒यन्तीत्यु॑प - यन्ति॑ । यत् । ए॒ते । ऊ॒द्‌र्ध्वाः । क्लृ॒प्ताः । स्तोमाः᳚ । भव॑न्ति । क्लृ॒प्ताः । ए॒व । सु॒व॒र्गमिति॑ सुवः - गम् । लो॒कम् । य॒न्ति॒ । उ॒भयोः᳚ । ए॒भ्यः॒ । लो॒कयोः᳚ । क॒ल्प॒ते॒ । त्रिꣳ॒॒शत् । ए॒ताः । त्रिꣳ॒॒शद॑क्ष॒रेति॑ त्रिꣳ॒॒शत् - अ॒क्ष॒रा॒ । वि॒राडिति॑ वि - राट् । अन्न᳚म् । वि॒राडिति॑ वि - राट् । वि॒राजेति॑ वि - राजा᳚ । ए॒व । अ॒न्नाद्य॒मित्य॑न्न-अद्य᳚म् । अवेति॑ । रु॒न्ध॒ते॒ । अ॒ति॒रा॒त्रावित्य॑ति - रा॒त्रौ । अ॒भितः॑ । भ॒व॒तः॒ । अ॒न्नाद्य॒स्येत्य॑न्न - अद्य॑स्य । परि॑गृहीत्या॒ इति॒ परि॑ - गृ॒ही॒त्यै॒ ॥