प्र॒जाप॑ति-रश्वमे॒धम॑सृजत । तꣳ सृ॒ष्टꣳ रक्षाꣳ॑स्य जिघाꣳसन्न् । स ए॒तान् प्र॒जाप॑तिर्नक्तꣳ हो॒मान॑-पश्यत् । तान॑ जुहोत् । तैर्वै स य॒ज्ञाद् रक्षाꣳ॒॒स्यपा॑हन्न् । यन्न॑क्तꣳ हो॒माञ्जु॒होति॑ । य॒ज्ञादे॒व तैर्यज॑मानो॒ रक्षाꣳ॒॒स्यप॑हन्ति ॥ आज्ये॑न जुहोति । वज्रो॒ वा आज्य᳚म् । वज्रे॑णै॒व य॒ज्ञाद् रक्षाꣳ॒॒स्यप॑हन्ति ।

आज्य॑स्य प्रति॒पदं॑ करोति । प्रा॒णो वा आज्य᳚म् । मु॒ख॒त ए॒वास्य॑ प्रा॒णं द॑धाति ॥ अ॒न्न॒हो॒मा-ञ्जु॑होति । शरी॑रवदे॒वाव॑रुन्धे ॥ व्य॒त्यासं॑ जुहोति । उ॒भय॒स्या व॑रुद्ध्यै ॥ नक्तं॑ जुहोति । रक्ष॑सा॒मप॑हत्यै ॥ आज्ये॑नान् त॒तो जु॑होति

प्रा॒णो वा आज्य᳚म् । उ॒भ॒यत॑ ए॒वास्य॑ प्रा॒णं द॑धाति । पु॒रस्ता᳚-च्चो॒परि॑ष्टाच्च ॥ एक॑स्मै॒ स्वाहेत्या॑ह । अ॒स्मिन्ने॒व लो॒के प्रति॑तिष्ठति । द्वाभ्याꣳ॒॒ स्वाहेत्या॑ह । अ॒मुष्मि॑न्ने॒व लो॒के प्रति॑तिष्ठति । उ॒भयो॑रे॒व लो॒कयाः॒ प्रति॑तिष्ठति । अ॒स्मिꣳश्चा॒-मुष्मिꣳ॑श्च ॥ श॒ताय॒ स्वाहेत्या॑ह ( ) । श॒तायु॒र्वै पुरु॑षः श॒तवी᳚र्यः । आयु॑रे॒व वी॒र्य॑मव॑रुन्धे । स॒हस्रा॑य॒ स्वाहेत्या॑ह । आयु॒र्वै स॒हस्र᳚म् । आयु॑रे॒वा-व॑रुन्धे ॥ सर्व॑स्मै॒ स्वाहेत्या॑ह । अप॑रिमितमे॒वा व॑रुन्धे ।