यजुर्वेद

रू॒पम् । यत् । इष्ट॑काः । रात्रि॑यै । पुरी॑षम् । इष्ट॑काः । उ॒प॒धा॒स्यन्नित्यु॑प - धा॒स्यन्न् । श्वे॒तम् । अश्व᳚म् । अ॒भीति॑ । मृ॒शे॒त् । पुरी॑षम् । उ॒प॒धा॒स्यन्नित्यु॑प - धा॒स्यन्न् । कृ॒ष्णम् । अ॒हो॒रा॒त्राभ्या॒मित्य॑हः - रा॒त्राभ्या᳚म् । ए॒व । ए॒न॒म् । चि॒नु॒ते॒ । हि॒र॒ण्य॒पा॒त्रमिति॑ हिरण्य-पा॒त्रम् । मधोः᳚ । पू॒र्णम् । द॒दा॒ति॒ । म॒ध॒व्यः॑ । अ॒सा॒नि॒ । इति॑ । सौ॒र्या । चि॒त्रव॒त्येति॑ चि॒त्र-व॒त्या॒ । अवेति॑ । ई॒क्ष॒ते॒ । चि॒त्रम् । ए॒व । भ॒व॒ति॒ । म॒द्ध्यन्दि॑ने । अश्व᳚म् । अवेति॑ । घ्रा॒प॒य॒ति॒ । अ॒सौ । वै । आ॒दि॒त्यः । इन्द्रः॑ । ए॒षः । प्र॒जाप॑ति॒रिति॑ प्र॒जा-प॒तिः॒ । प्रा॒जा॒प॒त्य इति॑ प्राजा - प॒त्यः । अश्वः॑ । तम् । ए॒व । सा॒क्षादिति॑ स - अ॒क्षात् । ऋ॒द्ध्नो॒ति॒ ॥