मव॒रुद्ध्य॑ चिनुत ए॒ता वै प्रा॑ण॒भृत॒-श्चक्षु॑ष्मती॒रिष्ट॑का॒ यत् प॑शुशी॒र्.षाणि॒ यत् प॑शुशी॒र्.षाण्यु॑प॒दधा॑ति॒ ताभि॑रे॒व यज॑मानो॒ऽमुष्मि॑न् ॅलो॒के प्राणि॒त्यथो॒ ताभि॑रे॒वास्मा॑ इ॒मे लो॒काः प्र भा᳚न्ति मृ॒दाऽभि॒लिप्योप॑ दधाति मेद्ध्य॒त्वाय॑ प॒शुर्वा ए॒ष यद॒ग्निरन्नं॑ प॒शव॑ ए॒ष खलु॒ वा अ॒ग्निर्यत् प॑शुशी॒र्॒.षाणि॒ यं का॒मये॑त॒ कनी॑यो॒ऽस्यान्नꣳ॑ - [ ]
पदपाठः (Word-by-word)
अ॒व॒रुद्ध्येत्य॑व - रुद्ध्य॑ । चि॒नु॒ते॒ । ए॒ताः । वै । प्रा॒ण॒भृत॒ इति॑ प्राण - भृतः॑ । चक्षु॑ष्मतीः । इष्ट॑काः । यत् । प॒शु॒शी॒र्.॒षाणीति॑ पशु - शी॒र्.॒षाणि॑ । यत् । प॒शु॒शी॒र्.॒षाणीति॑ पशु - शी॒र्.॒षाणि॑ । उ॒प॒दधा॒तीत्यु॑प - दधा॑ति । ताभिः॑ । ए॒व । यज॑मानः । अ॒मुष्मिन्न्॑ । लो॒के । प्रेति॑ । अ॒नि॒ति॒ । अथो॒ इति॑ । ताभिः॑ । ए॒व । अ॒स्मै॒ । इ॒मे । लो॒काः । प्रेति॑ । भा॒न्ति॒ । मृ॒दा । अ॒भि॒लिप्येत्य॑भि - लिप्य॑ । उपेति॑ । द॒धा॒ति॒ । मे॒द्ध्य॒त्वायेति॑ मेद्ध्य-त्वाय॑ । प॒शुः । वै । ए॒षः । यत् । अ॒ग्निः । अन्न᳚म् । प॒शवः॑ । ए॒षः । खलु॑ । वै । अ॒ग्निः । यत् । प॒शु॒शी॒र्.॒षाणीति॑ पशु-शी॒र्.॒षाणि॑ । यम् । का॒मये॑त । कनी॑यः । अ॒स्य॒ । अन्न᳚म् ।