स्या॒दिति॑ संत॒रां तस्य॑ पशुशी॒र्॒.षाण्युप॑ दद्ध्या॒त् कनी॑य ए॒वास्यान्नं॑ भवति॒ यं का॒मये॑त स॒माव॑द॒स्यान्नꣳ॑ स्या॒दिति॑ मद्ध्य॒तस्तस्योप॑ दद्ध्याथ् स॒माव॑-दे॒वास्यान्नं॑ भवति॒ यं का॒मये॑त॒ भूयो॒ऽस्याऽन्नꣳ॑ स्या॒दित्यन्ते॑षु॒ तस्य॑ व्यु॒दूह्योप॑ दद्ध्यादन्त॒त ए॒वास्मा॒ अन्न॒मव॑ रुन्धे॒ भूयो॒ऽस्यान्नं॑ भवति ( ) ॥
पदपाठः (Word-by-word)
स्या॒त् । इति॑ । स॒तं॒रामिति॑ सं - त॒राम् । तस्य॑ । प॒शु॒शी॒र्.॒षाणीति॑ पशु - शी॒र्.॒षाणि॑ । उपेति॑ । द॒द्ध्या॒त् । कनी॑यः । ए॒व । अ॒स्य॒ । अन्न᳚म् । भ॒व॒ति॒ । यम् । का॒मये॑त । स॒माव॑त् । अ॒स्य॒ । अन्न᳚म् । स्या॒त् । इति॑ । म॒द्ध्य॒तः । तस्य॑ । उपेति॑ । द॒द्ध्या॒त् । स॒माव॑त् । ए॒व । अ॒स्य॒ । अन्न᳚म् । भ॒व॒ति॒ । यम् । का॒मये॑त । भूयः॑ । अ॒स्य॒ । अन्न᳚म् । स्या॒त् । इति॑ । अन्ते॑षु । तस्य॑ । व्यु॒दूह्येति॑ वि - उ॒दूह्य॑ । उपेति॑ । द॒द्ध्या॒त् । अ॒न्त॒तः । ए॒व । अ॒स्मै॒ । अन्न᳚म् । अवेति॑ । रु॒न्धे॒ । भूयः॑ । अ॒स्य॒ । अन्न᳚म् । भ॒व॒ति॒ ( ) ॥