दधाति देवपु॒रा ए॒वैतास्त॑नू॒पानीः॒ पर्यू॑ह॒ते ऽग्ना॑विष्णू स॒जोष॑से॒मा व॑र्द्धन्तु वा॒गिंरः॑ । द्यु॒म्नैर्वाजे॑भि॒रा ग॑तं ॥ ब्र॒ह्म॒वा॒दिनो॑ वदन्ति॒ यन्न दे॒वता॑यै॒ जुह्व॒त्यथ॑ किं देव॒त्या॑ वसो॒र्द्धारेत्य॒ग्नि-र्वसु॒स्तस्यै॒षा धारा॒ विष्णु॒-र्वसु॒स्तस्यै॒षा धारा᳚ ऽऽग्नावैष्ण॒व्यर्चा वसो॒र्द्धारां᳚ जुहोति भाग॒धेये॑नै॒वैनौ॒ सम॑र्द्धय॒त्यथो॑ ए॒ता- [ ]
पदपाठः (Word-by-word)
द॒धा॒ति॒ । दे॒व॒पु॒रा इति॑ देव - पु॒राः । ए॒व । ए॒ताः । त॒नू॒पानी॒रिति॑ तनू - पानीः᳚ । परीति॑ । ऊ॒ह॒ते॒ । अग्ना॑विष्णू॒ इत्यग्ना᳚ - वि॒ष्णू॒ । स॒जोष॒सेति॑ स - जोष॑सा । इ॒माः । व॒द्र्ध॒न्तु॒ । वा॒म् । गिरः॑ ॥ द्यु॒म्नैः । वाजे॑भिः । एति॑ । ग॒त॒म् ॥ ब्र॒ह्म॒वा॒दिन॒ इति॑ ब्रह्म - वा॒दिनः॑ । व॒द॒न्ति॒ । यत् । न । दे॒वता॑यै । जुह्व॑ति । अथ॑ । कि॒दें॒व॒त्येति॑ किं - दे॒व॒त्या᳚ । वसोः᳚ । धारा᳚ । इति॑ । अ॒ग्निः । वसुः॑ । तस्य॑ । ए॒षा । धारा᳚ । विष्णुः॑ । वसुः॑ । तस्य॑ । ए॒षा । धारा᳚ । आ॒ग्ना॒वै॒ष्ण॒व्येत्या᳚ग्ना - वै॒ष्ण॒व्या । ऋ॒चा । वसोः᳚ । धारा᳚म् । जु॒हो॒ति॒ । भा॒ग॒धेये॒नेति॑ भाग - धेये॑न । ए॒व । ए॒नौ॒ । समिति॑ । अ॒द्र्ध॒य॒ति॒ । अथो॒ इति॑ । ए॒ताम् ।